Categories

اعلان

Loading…

په کابل کې د پوهاند دوکتور مجاور احمد زیار په ویاړ غونډه وشوه

دانش خپرندویې ټولنې د پښتو ژبې د پوهنو د دوکتور  پوهاند دوکتور مجاور احمد زیار ۸۰مه کلیزه ونمانځله.

دغه نمانځغونډه چې د پنجشنبې په ورځ په کابل کې د دانش خپرندویې ټولنې د غونډو په تالار کې ترسره شوه، ګڼ شمېر لیکوالو، شاعرانو، د پوهاند زیار شاګردانو او پلیونیانو پکې برخه  اخیستې وه.

د غونډې ګډونوالو  د پوهاند مجاور احمد زیار پر اند و واند ویناوې وکړې، د هغه پر علمي ژوند یې رڼا واچوله او د پښتو ژبې د بډاینې لپاره یې د زیار،  زیار ته پېرزوینې وړاندې کړې.

نامتو لیکوال شهرت ننګیال د پوهاند زیار د ۸۰مې کلیزې دغې ویاړ غونډې ته د وینا پر مهال ښاغلي زیار وستایه چې په اور اورکي حالاتو کې یې پښتو ژبه ژوندۍ وساتله.

نوموړي د خپلو خبرو په یوه برخه کې وویل:

(( پوهاند زیار پخپل زیار د مودو دوزخي ژبه جنتي کړه.))

لیکوال او ژباړن لطیف بهاند هم ددغې غونډې له هغو ګډونوالو و، چې د پوهاند زیار پر علمي ژوند خبرې وکړې. د غونډې ګډونوالو ته د پوهاند زیار سره تړلې ځېنې خا‌طرې هم شریکې کړې.

ښاغلی بهاند همداراز پر ځوانانوغږ وکړ چې د پوهاند زیار لار تعقیب کړي او غوښتنه یې وکړه ، چې

(( د پوهاند زیار په نامه دې د د زبپوهنې یو انستیتیوت جوړشی.))

د غونډې یو بل ګډونوال لیکوال و شاعر نجیب منلي هم د دوکتور زیار پر زیار او کارونو رڼا واچوله:

په عین حال کې افغان ممثل ممنون مقصودي د غونډې ګډونوالو ته په خپل ځانګړي انداز د پوهاند زیار شعرونه هم ډکلمه کړل، چې ګډونوالو یې تود هرکلی وکړ.

دغه غونډې ته پوهاند دوکتورمجاور احمد زیار هم وینا وکړه. نوموړي د غونډې له ګډونوالو او په ځانګړې توګه د دانش خپرندویې ټولنې له مشره مننه وکړه، چې دغه نمانځغونډه یې وربرابره کړې وه.

دیادونې وړ ده،چې دغه غونډه د مازیګر په ۵ بجو د پوهاند دوکتور مجاور احمد زیار له خوا د کیک تر پرېکونې وروسته پای ته ورسېده.

97 total views, 1 views today

Leave a Reply

Your email address will not be published. Required fields are marked *