Categories

اعلان

Loading…

پینتاګون به راتلونکې اوونۍ افغانستان ته د ځواکونو د لېږلو وړاندیز سپینې ماڼۍ ته وسپاري

تاند- د پینتاګون جګپوړي چارواکي وايي، تمه لري چې راتلونکې اوونۍ به په افغانستان کې د امریکايي پوځیانو د حضور په اړه سپینې ماڼۍ ته وړاندیز واستوي.

د اسوشیتید پریس خبري اژانس د راپور له مخې، د پینتاګون په وړاندیز کې به احتمالاً د اضافي پوځیانو د لېږلو غوښتنه هم شامله وي.

د اژانس د راپور له مخې، د امریکا پوځي چارواکو ویلي چې دوی په افغانستان کې د افغان ځواکونو د روزنې او مشورې ورکولو ماموریت د پراخولو لپاره زیاتو ځواکونو ته اړتیا لري.

د ناټو یوه جګپوړي مامور وویل چې د امریکا متحدو ایالتونو خپلو متحدانو ته لیکونه استولي او له هغو یې غوښتي چې افغانستان ته نور پوځي روزونکي او سلاکاران ولېږي.

اسوشیتید پریس اژانس وايي چې دغه امریکايي چارواکي نه غوښتل چې نوم یې واخیستل شي.

له هغه پلان سره سم چې ناټو او امریکا تر ۲۰۱۴ م کال وړاندې تصویب کړی و، ټاکل شوې وه چې په روان ۲۰۱۷ کې د ناټو یوازې ۱۰۰۰ پوځیان د امریکا د سفارت او کونسلګریو د ساتنې لپاره پاتې وای خو د طالبانو د حملو شدت سبب شو چې نه یوازې د ناټو پوځیان له ۱۳ زرو لږ نه شي بلکې نور ځواکونه هم راواستوي څو د طالبانو او نورو ترهګرو د بلوا مخه ونیسي.

47 total views, 1 views today

Leave a Reply

Your email address will not be published. Required fields are marked *