Categories

اعلان

Loading…

جرمني سږ کال تر ۱۴ زره ډېر افغان پناه غوښتونکي باسي

تاند- د جرمني حکومت پتېیلې چې د سږ کال تر پایه تر ۱۴ زره زیات افغان پناه غوښتونکي افغانستان ته بېرته راولېږي.

د جرمني (پرسویا دویې) ورځپاڼې د دوشنبې په ګڼه کې لیکلي، د جرمني حکومت د روان ۲۰۱۷ تر پایه ۱۴ زره ۴۰۳ افغانان له خپلې خاورې باسي.

د جرمني صدراعظمې انګیلامیرکل ویلي چې په هیواد کې به یې د افغان پناه غوښتونکو د منلو فیصدي ۵۵ ته راټیټه کړي.

تېر کال په سلو کې ۶۰ منل شوي ول.

دا په داسي حال کې ده چې د سږ کال په ۴ میاشتو کې جرمني ته د افغان پناه غوښتونکو تګ په تېرو ۴ کلونو کې تر ټولو کم حد ته رسېدلی دی.

په همدې حال کې په جرمني کې ادعاوې شوي چې ممکن دغه هیواد ته د لکونو تللیو افغان پناه غوښتونکو په منځ کې څو سوه طالبان هم وي.

پرون (دوشنبه) د جرمني فدرالي څارنوالانو یو افغان له طالبانو سره په همکارۍ او د امنیتي ځواکونو پرضد په حملو کې په لاس لرلو تورن کړ.

څارنوالانو۱۷ کلن عبدالله په یوه تروریستي ډله کې د غړیتوب، د وسلو د کنټرول د قانون د سرغړونې او وژنو له تورونو سره مخامخ دی.

د جرمني د عبدالله تخلص نه دی څرګند شوی ځکه چې د محاکمې تر پرېکړې مخکې د تورن د هویت افشا د جرمني د قوانینو خلاف ده.

46 total views, 1 views today

Leave a Reply

Your email address will not be published. Required fields are marked *