Categories

اعلان

Loading…

رویټرز د شاهین قول اردو پر جومات د تلفاتو شمېر ۵۰ تنه ښيي

تاند- په بلخ ولایت کې د شاهین قول اردو پر جومات د وسله والو ترهګرو د نن ورځې په حمله کې تر ۵۰ تنو زیات لمونځ کوونکي وژل شوي دي.

مخکې یوې سرچینې د ۱۵۰ تنو د وژل کېدو احتمال ورکړی و.

د امریکايي ځواکونو د مرکزي قوماندانۍ ویندوی ډګروال جان توماس وویل«احتمالاً تر ۵۰ زیات کسان وژل شوي. موږ له دې خبر نه یوو چې د امریکا په مشرۍ نړیوالو ځواکونو په دې برید کې زیان لیدلی او که نه دی.»

ده زیاته کړه«زموږ د راپور له مخې هلته په اډه کې یو جومات او یو رستوران شته او داسي ښکاري چې حمله پر جومات شوې ده.»

ګڼو نورو خبري اژانسونو هم د تلفاتو شمېر شاوخوا ۵۰ تنه ښودلی دی.

د شاهین قول اردو په حمله کې د ۱۵۰ تنو د وژل کېدو احتمال

ناتایید شوي راپورونه وايي چې د بلخ په دهدادي کې پر شاهین قول اردو د وسله والو سختدریځو په برید کې ۱۵۰ تنه وژل شوي دي.

راپورونه وايي چې حمله کوونکو، چې د ملي اردو یونیفورم یې اغوستی و او په پوځي موټر کې قول اردو ته ننوتل، د قول اردو په جومات کې د جمعې پر لمانځه پر ولاړو بې وسلو پوځیانو یې ډزې وکړې.

د شاهین قول اردو په حمله کې لږترلږه ۱۸ تنه وژل شوي

افغان چارواکي وايي چې وسله والو ترهګرو نن د ماسپښین په یوه نیمه بجه د پوځیانو په جامه کې په بلخ ولایت کې پر شاهین قول اردو حمله وکړه.

 چارواکي وايي، په دې برید کې د دې قول اردو یو شمېر منسوبان وژل شوي دي.

د بلخ روغتوني سرچینې د ۱۸ تنو وژل کېدا او د ۵۰ نورو ژوبلېدا تاییدوي.

د بلخ د ولایتي چارواکو په وینا وسله وال حمله کوونکي د افغان ملي اردو په دوو موټرو کې قول اردو ته ننوتل او پر پوځیانو یې، چې د قول اردو په جومات کې یې لمونځ کاوه، ډزې پیل کړې.

لا هم نښته پای ته نه ده رسېدلې او وېره ده چې د مرګ ژوبلو شمېر زیات شي.

وسله والو طالبانو ویلي چې دا برید د دوی کسانو کړی دی.

9 total views, 1 views today

1 comment

  1. شمس Reply

    Sad moment for Afghan forces but I think Afghan forces still not take serious that they are in big conflict they must uprise the security at any time and at any places. Even I have seen in some check post that they sitting like in home drinking tea out side of the post 😭

Leave a Reply

Your email address will not be published. Required fields are marked *