Categories

پر شاهین قول اردو ډله ییزه حمله روانه ده

راپورونه وايي چې نن /جمعه/ غرمه مهال په بلخ ولایت کې پر شاهین قول اردو ډله ییزه حمله شوې ده.

لومړني راپورونه وايي چې د شاهین قول اردو په شاوخوا کې نښته روانه ده او ګومان کېږي چې د حمله کوونکو د برید هدف با دا قول اردو وي.

تر دې دمه د حملې په نتیجه کې، چې په چاودنې پیل شوه، د مرګ ژوبلو په اړه معلومات نه دي ترلاسه شوي.

شاهین قول اردو د ۱۳۸۳ لمریز کال په میزان میاشت کې د بلخ ولایت په دهدادي ولسوالي کې جوړه شوه. دا ولسوالي مزارشریف ښار ته څېرمه پرته ده.

د بلخ سیمه ییز چارواکي پر شاهین قول اردو ډله ییزه حمله تاییدوي، وايي چې لومړی یوه انتحاري د قول اردو د دروازې مخته ځان والوزاوه ورپسې نورو وسله والو ډزې پیل کړې.

دوی د حمله کوونکو دقیق شمېر څرګند نه کړ خو ویې ویل چې څو تنه په برید کې برخه لري.

د پېښې جزییات به وروسته وړاندې شي.

1 comment

  1. afghan1 Reply

    Da defa Aw da esthekhbarato mAsharAn la dando lerishee.laka che zia masod larai sho .doyee nakam dee.

Leave a Reply

Your email address will not be published. Required fields are marked *