Categories

اعلان

Loading…

«په افغانستان کې د روسیې مخ په زیاتېدونکی نفوذ»

دا د ایروایشیا ریفیو د لیکنې عنوان دی.

په دې لیکنه کې ویل شوي چې له سوریې وروسته داسي ښکاري چې افغانستان د روسیې او امریکا د قدرت د مبارزې بل میدان وي.

د ایروایشیا ریفیو په باور، د ۲۰۱۴ کال په پای کې له افغانستانه د اکثرو لوېدیځو ځواکونو وتلو مسکو ته لار پرانیسته چې د افغانستان لپاره مټې راونغاړي او دا به په جنوبي اسیا کې د یوې نوې جیوپولیټیکي سیالۍ سبب شي.

د خپرونې لیکوال د مسکو په غونډه کې د امریکا نه ګډون کول او له افغانستانه د امریکايي پوځیانو وتل د افغانستان په وړاندې د روسیې په پالیسۍ کې د لوی بدلون پیل بولي.

روسیې د افغانستان په اړه درېمه غونډه د اپریل په څوارلسمه په مسکو کې جوړه کړه. د دې غونډې پرېکړه یې د دسمبر په غونډه کې وکړه چې د پاکستان او چین په ګډون یې جوړه کړې وه خو افغانستان پکې برخه نه لرله.

په درې واړو غونډو کې ناټو او امریکا برخه نه لرله.

د ایروایشیا خپرونې په باور په دغو غونډو کې د امریکا نه ګډون د افغانستان پر سر د مسکو او واشنګټن په اړیکو کې د اختلاف ښکارندويي کوي.

خپرونه دغه راز لیکي، مسکو د افغانستان او پاکستان په پوله کې د اسلامي دولت وسله واله سختدریځه ډله د سیمې د امنیت لپاره ستر ګواښ ګڼي خو امریکا او ناټو افغان طالبان د افغانستان د بې ثباتۍ اصلي خنډ بولي.

مسکو وايي چې له طالبانو سره یې اړیکې د سولې په خبرو او د داعش تر مخنیوي پوري محدودې دي خو واشنګټن فکر کوي چې د مسکو او طالبانو تماسونه په افغانستان کې د امریکا او ناټو هلې ځلې زیانمنوي.

په عین حال کې امریکا د داعش پر ضد مبارزه هم له پامه نه ده غورځولې چې د ننګرهار په اچین کې د داعش تر ټولو پر ستر مرکز تر ټولو د ستر بم استعمال یې وروستۍ بېلګه ده.

183 total views, 1 views today

Leave a Reply

Your email address will not be published. Required fields are marked *

۸