Categories

اعلان

Loading…

ضیا مسعود له ولسمشره وغوښتل چې د ده د برطرفۍ په برخه کې خپله پرېکړه بېرته واخلي

تاند- احمد ضیا مسعود له برطرفه کېدو وروسته د ولسمشر د پرېکړې په غبرګون کې د سیاسي بې ثباتۍ خبرداری ورکړ.

احمد ضیا مسعود چې د ښې حکومتولۍ او اصلاحاتو په برخه کې د ولسمشر ځانګړی استازی و، ظاهراً په ورسپارل شویو مسوولیتونو کې د پاتې راتلو په خاطر د ولسمشر له لوري پرون /دوشنبه/ ګوښه کړای شو.

مسعود نن /سې شنبه/ د ځان په اړه د ولسمشر پر پرېکړې د غبرګون ښودلو په مهال په کابل کې یوې خبري غونډې ته وویل چې د ولسمشر له خوا یو اړخیز اقدامات به هیواد د کورنۍ جګړې لور ته بوځي.

احمد ضیا مسعود له ولسمشر غني وغوښتل چې د ده د برطرفۍ په برخه کې خپله پرېکړه بېرته واخلي.

مسعود همداراز وویل چې د ګوښه کېدو په اړه توضیح نه ده ورکړای شوې او په دې اړه حتي له اجراییه ريیس سره هم کومه مشوره هم نه ده شوې.

احمد ضیا مسعود د ملي حکومت له جوړېدو وروسته په دې خاطر چې د انتخاباتو په دوهم پړاو کې یې د ښاغلي غني ملاتړ کړی و سلاکار وګومارل شو. د ده چوکۍ نه انتخابي ده او نه له اجرايي رييس سره د جوړجاړي یا د واک وېش پر بنیاد رامنځته شوې ده.

د ضیا مسعود د برطرفۍ په اړه د ولسمشر غني په حکم کې د اساسي قانون ۶۴ اصل ته په اشارې ویل شوي چې د جګپوړو دولتي چارواکو ټاکل او لېري کول د ولسمشر واک دی.

خو احمد ضیا مسعود وايي چې د ولسمشر له لوري له برطرفه کېدو وروسته یې د هیواد په کچه مشورې پیل کړي دي.

ښاغلی مسعود په داسي حال کې پر خپله برطرفۍ سخت خپګان ښيي چې د ده یوه ویاند وویل چې ښاغلي مسعود د راتلونکي ثور په اتمه استعفا اعلانوله.

احمد ضیا مسعود وویل، له هغې موافقې سره سم چې ده له ولسمشر سره لرله ولسمشر حق نه درلود چې دی ګوښه کړي.

د ولسمشر دفتر ویلي چې ضیا مسعود یې په دې خاطر ګوښه کړ چې د ده له لوري د ښې حکومتولۍ او اصلاحاتو په برخو کې هیڅ ګام نه و اخیستل شوی.

ضیا مسعود په دې ډاډ چې د احمد شاه مسعود ورور دی پر له پسې پر حکومت نیوکې کولې خو حکومتي چوکۍ یې هم نه پرېښوده.

د ولسمشر غني یوه ویندوی دواخان مینه پال وویل چې ضیا مسعود په دې خاطر برطرفه شوی نه دی چې پر حکومت یې نیوکې کولې بلکې په دې خاطر ګوښه شو د حکومتولۍ او اصلاحاتو په چارو کې ناکام و.

192 total views, 1 views today

Leave a Reply

Your email address will not be published. Required fields are marked *

۸