Categories

اعلان

Loading…

په پکتیکا کې له (۹۸۹) تنو د کانکور ازموینه واخیستل شوه

محمد اکرم شهاب  \ پکتیکا   

پکتیکا ته د کانکور ازموینې د څارنې او تطبیق په موخه د لوړو زده کړو وزارت د راغلي پلاوي استازي خاموش تاند ته وویل چې تېرکال ازموینه د دې ښکارندويي کوي چې سږنۍ کانکور ازموینه به هم ډېر شفافه وي.

نوموړی وایې چې په ازموینه کې هیچاته د لاس وهنې او صحنې ته د ننوتلو اجازه نشته ، د دې ترڅنګ د ازموینو د فورمو جوړښت داسي دی چې هر زده کوونکي ته به خپل حق رسېږي.

د پکتیکا پوهنتون رییس دریاخان هڅاند وایې چې سږ هم په ازموینه کې د برخه اخیستونکو زده کوونکو شمېر تر پخوا ډېر دی او پکتیکا کال تربله د پوهنې په برخه کې ډېر پرمختګ کوي.

هڅاند دغه راز وایې چې د ۹۸۹ زده کوونکو له ډلې لس تنه نجونې زده کوونکې هم د کانکور لپاره بایومیتریک شوې چې دوو تنو یې په ازموینه کې برخه اخیستي وه او نورو یې د ځینو ستونزو له کبله ازموینې ته رسېده ګي نه ده کړي.

د پوهنتون رییس دغه راز وایې چې سږ کال د  پکتیکا پوهنتون  د محصلینو جذب ظرفیت تر تېر کال دوه سوه تنه ډېر لري.

د مروا په نوم د پکتیکا یوې اوسېدونکې او د کانکور  برخه اخیستونکې تاند ته وویل ډېره خوښه ده چې په خپل ولایت کې د لوړو زده کړو د ترلاسه کېدو لپاره ازموینه ورکوي.

هغې وویل چې د کانکور د اماده ګي لپاره یې دوه کاله کابل کې زده کړې کړي دي.

داپه داسي حال کې ده چې په پکتیکا کې د ښځینه زده کوونکو ډېر کم تعداد او په کانکور کې د دوی ډېر کمرنګه شمېر د پوهنې بهیر اساسي ستونزه ده .

د پوهنې ریاست مسؤلین خبر ورکوي چې تر پخوا اوس د دې ولایت د نجونو په ښوونځيو کې د زده کوونکو شمېر ډېر شوی او په تېر ښوونیز کال کې یې پنځوس تنه له دوولسم ټولګۍ فارغې شوي دي.

90 total views, 1 views today

Leave a Reply

Your email address will not be published. Required fields are marked *