Categories

اعلان

Loading…

د پلار یاد/ محمد نعمان دوست

پلار مې په ډیر کوچینوالي کې له لاسه ورکړ. که د هغه د ژوند د خوشحالیو شیبې مې نه یاد یږي؛ نو د ژوند وروستۍ لمحې یې هم رانه، نه هیریږي.

  • ناروغ و. ډیر شدید. خو هغه وخت لا د جګړې بلا زموږ له ګلورین وطنه تورې منګولې نه وې را تاوې کړې. زموږ بدنونه یې نه و فلج کړي او موږ نورو ته دومره اړ نه وو.د دې ضروریت نه و چې په خوارۍ او ذلت د درملنې لپاره له کرښې واوړو.

د هغه عملیات د کابل په ابن سینا روغتون کې شوي وو؛ چې کور ته راغی خپلوانو پرې شیریني او ګلان شیندل.

  • یوه بله صحنه مې هم په یاد ده:

زموږ خټین او کوچنی کور دوه پوړیز و. دویم پوړ کې یواځې یوه خونه وه، چې موږ ورته بالاخانه ویله. د لغمان اوړی ډير ګرم وي، ورځې خلک باغونو کې تیروي او شپې د بامونو پر سر. له خونو د اوسیدو استفاده نه کیږي.

بالاخانه کې به یې د انګورو وخت کې پړي وغځول، د انګورو وږي به یې پکې ځوړند کړل او بیا به د غومبسو په مورچل بدل شو. په ډار او ترس به لاړو او له همدې ځایه به مو وږی را واخیست.

د بالاخانې مخې ته د لاندې خونې بام و. پر همدې بام یې ورته کټ ایښی و. ګلداره شړۍ کې راټول ناست و او ډډه یې وهلې وه. ډک ګیلاس شیدې یې ورته راوړې، خو هغه یې د څښلو وس بایللی و. په ریږدیدلو لاسونو یې خولې ته وړاندې کړ، شیبه وروسته یې سپینې شیدې پر برګه ږیره راغلې او له ستونې تیرې نشوې. ګیلاس یې ماته ونیو، په خوند مې وڅښلې. هغه را کتلې، سترګو کې اوښکې ورغړیدې، زه یې په مانا پوه نشوم. شاید ځان ورته هغه باغوان ښکاره شوي وي چې فصل یې رسیدلو ته نږدې شي او دې ترې روان شي.

  • هوا سړه شوې وه. بالاخانه کې یې ورته کټ ایښی و. مشر تره مې ورته ناست و. قران شریف یې تلاوت کاوه. کلا له ښځو ډکه وه، ژړاګانې وې. هغه وخت دومره مړي نه وو. خلکو د لرې خپلوانو پر مړو هم د زړه له تاوه ژړلې.

په منډه بالاخانې ته پورته شوم. تره ته مې ویل: پلار مې ژوندی کیږي؟ هغه ژر مخ واړو، د لنګوټي شمله یې پر سترګو تیره کړه او بیا یې په بند بند غږ کې وویل: هو، چې دا پاڼه ختمه کړم نو ژوندی به شي.

خوشحاله شوم او په منډه له کوره ووتم. نور مې نه یادیږي.

مهاجر شوو. هر سهاربه له خپلو ګاونډیانو سره ښوونځي ته تلم. د هغوی پلار به خپلو زامنو ته په غوسه وویل: لاره کې به سم سړي غوندې ځئ، چا سره به جنګ نکوئ. زه به د دې ماشومانو له ټولي لږ لرې ودریدم، ما به ویل کاش پلار مې ژوندی وای او ماته هم غوسه شوی وای.

و خلکو!

قتلونه بس کړئ. ماشومان مه بې سرپرسته کوئ. پریږدئ چې پلرونه یې ژوند وکړي، خپلو اولادونو ته نصیحت وکړي. له بې لارۍ یې وژغوري.

پریږدئ چې د پلرونو سترګې د خپلو اولادونو په مینه خوږې پاتې شي.

تاسو پوهیږئ؟ د یو چا په وژلو د ویر داسې داستان پیلیږي چې هیڅ پای نلري. دا داستان د ناهیلیو، ارمانونو ، ویرونو، آهونو، څړیکو او دردونو وي.

ای!

د دې بې وسه ولس د وژنو اجر او امتیاز به څومره لوی وي چې د دومره اوږده او نه ختمیدونکي داستان په پیل کولو وه ارزي؟

محمد نعمان دوست، جلال اباد

۱۳۹۶، د وري ۲۳مه

293 total views, 2 views today

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2