Categories

د تایوان پارلمان د پیشوګانو او سپو غوښه منع کړه

تاند- د تایوان پارلمان یوه لایحه تصویب کړه چې پر اساس یې په دغه هیواد کې د خوړلو لپاره د سپو او پیشوګانو وژل منع شول.

د ختیځې اسیا په اکثرو هیوادونو کې د دغو دوو حیواناتو غوښه خوړل کېږي خو تایوان لومړنی هیواد دی چې د سپو او پیشوګانو د غوښو خوراک غیرقانوني اعلانوي.

د پارلمان یوه استازي ونګ یومین، چې د دې قانون د تصویب له اصلي ملاتړ کوونکو او مطرح کوونکو څخه دی، د پارلمان له پرېکړې وروسته رسنیو ته وویل«دا د تاویوان لپاره مهمه ده چې ځان په نړۍ کې د حیواناتو مینه وال معرفي کړي.»

د نوي قانون له مخې، که څوک حیوانات وځوروي، تر ۶۵ زره ډالره پوري جریمه او دوه کاله بندي کېدای شي.

Leave a Reply

Your email address will not be published. Required fields are marked *