Categories

اعلان

Loading…

ناوې کور غواړي، خسرګنۍ يې جهيز/ شهرت ننګيال


په ډيری سيمو کې چې د ناوې ډولۍ له آس يا موټره د زوم په کور کې کوزيږي، له ناوې سره راغلی يو کس د ډولۍ يا ګاډۍ دروازه ونيسي او تر هغې د ناوې د کوزيدو مخه ډب ساتي چې د خسرګنۍ له کوم مخور يې د ناوې لپاره د «کور» ژمنه نه وي ترلاسه کړې. طبيعي ده چې له ناوې سره راغلی کس له ځايه او وار له مخه غوسه وي، ځکه خو د ناوې خسرګنۍ نوره هم پر احتياط او مدارا اړ بلل کيږي.

احتياط ځکه اړين دی چې ډيری د خوښۍ پردغه مهال پر وړه خبره هم ترينګلتياوې او خوابدۍ رامنځ ته کيږي تردې چې کله نا کله مشاجره فزيکي شخړې ته هم رسيدلی شي.

د کور مانا، مېنه او يواځې کوټې نه دي، بلکې يوه پراخه مانا او مفهوم د کور لپاره پام کې نيول کيږي. خسرګنۍ له ناوې سره راغلي کس ته د «کور» پر همدغه پراخه مانا او مفهوم د ژمنې اړ وي.

برګه غوا، لمرخاته ته پينځه په څلورو کې کوټه، ترسره کاريز لاندې ځمکه د ناوې «کور» په پراخه مانا او مفهوم کې  اړين بلکې حتمي توکي ګڼل کيږي.

ډيری نه په څارويو کې د برګې غوا درک لګيدای شي، نه لمر خاته ته پينځه په څلورو کې کوټې، سره کاريز يا تر هغې لاندې ځمکې.

خو له ناوې سره راغلي سړي به پر ډولۍ يا د ګاډي پر دروازه ترهغې لاس نيولی وي چې د ناوې لپاره يې د کور دغسې ژمنه نه وي ترلاسه کړې، که نه ټول پوهيږي چې ناوې خوارکۍ به نه برګه غوا خپله کړای شي، نه پينځه په څلورو کې لمر خاته ته کوټه او نه هم تر سره کاريز لاندې د ځمکې ټوټه.

د ناوې نيکمرغي په دې کې وي چې خاوند يې ونه وهي او د خواښې، نندريو، ليورونو له غضب او عذاب، نوکی په امن کې اوسي.

حکمتيار صاحب دری مياشتې دمخه له دولت سره د سولې او پخلاينې تړون لاسليک کړ، خو له ډولۍ يې د کوزيدو مخه ونشوای موندلی.

دی داسې وړې سپږې نه دی چيچلی چې د «کور» پر تشه ژمنه زړه تکيه کړای شي، له همدې ځايه يې عملي کيدو ته لا هم پر بريک پښه ټينګه کړې ده، ځکه خو دا شک بېځايه نه دی چې بريک د حکمتيار صاحب تر پښه لاندې او اشترنګ د بل چا په لاس کې اوسي، يا ددې پر عکس …

پوښتنه دا ده چې دی خپله نه راکوزيږي که چا په ډولۍ لاس ټينګ کړی دی؟

دولت په رښتيا له ده سره په «کور» کې د برګې غوا، لمر خاته ته پينځه په څلورو کې کوټې او سره کاريز د ځمکې هوايې ژمنه کړې؟

حکمتيار صاحب په رښتيا خپله د  «کور» لپاره له ډولۍ نه راوځي، که رويباران د ده پر سر له دولت سره د خپلو ګټو  او موخو  لوبه توده کړې ده؟

داسې ګڼل کېده چې حکمتيار صاحب به له ځان سره له پلرګنی څخه په جهيز کې ښه «کور» راوليږدولی شي.

په خسرګنۍ کې د ده د «کور» ټول حقوق خوندي دي، خو انديښنه دا ده چې هسې نه د ايران په څېر پاکستان هم ترې د کلونو غونډ کړی جهيز ضبط کړای شي.

ولور، مهر او جهيز همېشه په خېښيو کې ستونزې او ربړې راپورته کړې، خلح او طلاق ته يې زمينه برابره کړې ده. زموږ هيله او دعا ده چې حکمتيار صاحب او دولت دواړه ځان پر دغسې انتها اړونه بولي.

905 total views, 1 views today

1 comment

  1. عبدالرووف لیوال Reply

    ښاغلی – منلی اودروند ننګیار ته سلامونه !یاره موږ ددې ناوې له جهیزنه ځکه تیر یوچې دې ناوې مخکې له وړاندې خپل خسرګني داسی ویرولی چې خسرګنۍ ددې ناوې له راتګ نه هم بیزاره دی – خو په دې ناوې رنکارنک لوبې همدااوس هم جریان لری ددې ناوې په خاطر دوه غټ لیورنه یې خوابدی شول اوخسریې ترې ګټه پورته کړه چې دخاندان په ګټه هم تمام شو -خولنډه دا چې خدای وکړی دا ناوی دخپل پلار په ټونګ زموږ کره را نشی که نه تباه به موکړی په درنښت

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2