Categories

اعلان

Loading…

ژوند او خاطرې (یوه خبره، یوه غوښتنه) عصمت الله صالح

دروازه وټکېده. د بازګل خور ورغله، د لرګینې دروازې ترچولو یې د ګلاب څېره ولیده، له ځان سره وپسېده؛ خدای خبر چې ګلاب بیا د څه لپاره راغلی؟ویې پوښتل:

ـــ څوک یې؟

ـــ زه یم ګلاب، باز ګل کور شته؟

ـــ نه! هغه خو کوز پټي ته تللی.

ـــ ښا سمه ده، زه به هلته ورشم.

ـــ بښنه غواړم څه کار مو ورسره و؟

ـــ کومه ځانګړې خبره نه وه، هو هسې مې یوه مشوره ورسره کوله. ښانو زه لاړم.

نتکۍ د ګلاب له تګ وروسته د خاورین دېوال کونج ته ډه ډه وکړه، سر یې په زنګنونو کېښود او په ژړا شوه…

بازګل د شنې پولې په سر پر غوړېدلي څادر پلترۍ وهلې وې، په پټي کې ولاړې رشقې ته یې په ځیره کتل. خدای خبر په کوم چورت کې به و؛ چې ګلاب ورباندې غږ وکړ:

ـــ سلام سلام بازګل یارو!!

ـــ اوهو! ته دې کومه شوې، ((په ما ښه ولګېدې)) علیکم سلام علیکم سلام…

ـــ بازګله ښه یې، کور کراري ده، بچي دې ښه دي…

ـــ قربان! خیریوسې یاره بس ژوند دی تېرېږي. ((په ما ښه ولګېدې)) چېرته وې ناځوانه، دا ډېره موده دې هېڅ درک نه لګېد دا ولې هن؟؟

ـــ ولا یاره بس دې نیمګړې دنیا کارونه دي، سړی نه اوزګارېږي. ومې یاد شوې ماول چې پوښتنه دې وکړم.

ـــ خدای ددې ښو پوښتنه وکړه، ((په ما ښه ولګېدې))، څه کیسې دي، څه غورې دي؟؟

ـــ ولا کراري ده، څه نوي نشته.

ـــ ښا ((په ما ښه ولګېدې)) دا راته ووایه چې څنګه دې پېښه راوکړه، څه خبره خو ضرور شته؟

ـــ بازګل یاره یوه خبره درته کوم، البته دا هغه خبره ده؛ چې د عذر، عزت، هیلو او دوستۍ په کاغذونو لیکل شوې.

ـــ وه! نېک بخته (( په ما ښه ولګېدې)) ته خو یې یو ځل راته وکړه، زه خو ستا هره خبره منم…

ـــ مننه خیر یوسې. بازګله څه دپاسه لس کاله به کېږي چې دواړه سره نږدې ملګري یو، د کلي هر وګړی زما او ستا انډیوالۍ ته ګوته په غاښ دی. نو ماویل؛ که دا ملګري په دوستۍ هم بدله کړو، څنګه دې خوښه ده؟؟

ـــ ((په ما ښه ولګېدې)) زه پوه نه شوم، صفا صفا یې ووایه یاره!!

ـــ یره نو سړیه، ماول که زما واده ستا له خور سره وشي…

ـــ بس! ګلابه بس! دا خبره دې کولو وه چې تا وکړه!؟ ((په ما ښه ولګېدې)) دا دکلي خلک به څه وايي، چې بازګل په انډیوالۍ کې خپله خور ورکړه!؟ که دې بله کومه خبره نه وي؛ ته نور تلای شې ((په ما ښه ولګېدې))!؟

ګلاب د بازګل له ګونځو ډک تندي سترګې واړولې، بېله خدای پامانۍ پاڅېد، شېبه وروسته د بازګل له سترګو پنا شو.

نوټ: درنو قدرمنو په پښتني سیمو کې تر ډېره داسې پېښې او رښتینې کیسې شته، چې د سپینې مینې مخه ډب کولی شي. تاسې دې ډول سیمه ییزو دودونو ته له کومې زاویې ګورئ؟

243 total views, 1 views today

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2