Categories

اعلان

Loading…

د افغان میرمنو دفقر او اقتصادي ستونزو لاملونه او حل لارې/ ذکیه وردګ

دامنیت  نشتون،د ښځو دحقوقو دخوندیتوب لپاره دیو بشپړ میکانیزم نشتون،د قانون نه تطبیق ، ناوړه دود او دستور، نامناسب رواجونه ، د نارینه و واکمني او بیسوادي دافغان میرمنو داقتصادي  پرمختګ پروړاندې مهمې ستونزې ګڼل کیږي .په یو هیواد  کې چې نا تمام شوی  جنګ روان وي او لرې کلي او باڼدې  شهري ژوندو نه لرې وي، ښونځي موجود نه وي، بازار نه وي، فابریکه نه وي، دحکومت حاکمیت کمزوری وي، نارینه حاکم وي او اسلامي قانون تطبیق نه وي ،خلک داسلامي قانون په اړه بشپړ معلومات ونه لري په داسې حالاتو کې کله چې  یوه ښځه کوڼده شي او اولاد  هم ونه لري او هغه میراث معرفي شي او د هغې میړه دارایې باندې چاپه اچول کیږي ځکه چې زوی نه لري نودا ټول  دمیرمنو د فقر باعث ګرځي  او دمیرمنو داقتصادي ستونزو مهم لاملونه دي .

حل لارې :

۱ـ د امنيت ټینګښت،دامنیت دټینګښت په برخه کې دکورنیو،ملي دفاع وزارتونه او دملي امنیت ریاست مهم رول ترسره کولای شي. دامنیت دټینګښت په صورت کې به میرمنې ددې فرصت ترلاسه کړي څو دخپل ژوند چارې په عادي ډول ترسره کړي. ۲ـ دمیرمنو دحقوقو دخوندیتوب لپاره دیو بشپړ میکانیزم جوړول چې په هغې کې دالاندې ټکي په پام کې ونیول شي .الف؛ په کلیو کې د یو ښځينه بازار جوړول تر څو ښځي وکړای شي خپل د لاس محصولات خرڅ کړي دا کار حکومت په انجو ګانو کولای شي  هم انجوګانې په کار اچول کیدای شي او هم ښځوته  زمینه برابریدای شي چې له کور نه ووځي او خپل محصولات خرڅ کړي .په دې برخه کې دسوداګرۍ او اقتصاد وزارتونه او دسوداګرۍ او صنایعو خونه ډیره مرسته کولای شي.

ب : دغو ښځو ته په ښارونو کې بازار یابي .ج : حرفه یي کورسونه، لکه د صفا کارۍ، د مربا جوړول، مرغ داري، د کرنې، مالدارۍ او خیاطي .  په دې برخه کې دکرنې  او پوهنې وزارتونه مهم رول ترسره کولای شي. د: فقیرو او کوڼدو میرمنو ته چې ښارونو  ته نږدې ژوند کوي د یو کار زمینه برابرول، د وړو فابریکو ایجادول ،چې ښځي کار په کې وکړي. 3 ـ د قانون تطبيق کول : الف: د داسې نویو مادو جوړول چې په وسیله یې د ښځو ژوند کې اسانتیاوې رامنځ ته شي ب : سخت او جدي قانوني برخورد د هر هغه چا سره چې په میرمنو ظلم کوي ج: د نارینه وو ذهنیت جوړول، د ښځو د حقوقي ستونزودحل لپاره یو د اړیکې تیلفونې لاین جوړ ول، تر څو ښځي وکړای شي خپل مشکل بیدون د شرم نه درج کړي او د دغه لاین اګاهي باید هر ه سیمه د افغانستان کې وي په دې برخه کې دمخابراتو او عدلیې وزارتونه مرسته کولای شي. 4 ـ دود او دستور  باید د قانون سره تړاو ولري. یوه ښځه کوڼده کیږي او بې اولاده  وي نو هغې ته میراث ویل کیږي  او د هغې دارایي چور کیږي. هغه یا په زوره نکاح کیږي یا دپلار کورته  لیږل کیږي. د هغې حقوق باید په قانون  کې خوندي کړای شي.په دې برخه کې دعدلیې ،دکورنیو چارو او دحج او اوقافو وزارتونه  او ملي شورا مهم رول ترسره کولای شي.

5  ـ نارینه و ته  بایدد ښځو د حقوقو په اړه  اګاهي ورکړای شي . د پارلمان له لوري داسې ماده په قانون کې ځای پرځای شي تر څو د ښځو دحقوقو په اړه نارینه و ته معلومات ورکړل شي په دې برخه کې ملي شورا،دعدلیې وزارت او دپارلماني چارو وزارت په ګډه کار کولای شي . 6 ـ د حکومت له لوري باید د بیسوادۍ کورسونه جوړ کړای  شي او زده کړې باید اجباري شي.په دې برخه کې دپوهنې وزارت مهم رول ترسره کولای شي.دپورتنیو حل لارو دعملي کولو په صورت کې به بې له شکه دافغان میرمنو اقتصادي ستونزې ترډیره بریده حل شي .

83 total views, 1 views today

5 comments

  1. Emal Reply

    Great writing

  2. hasan wardak Reply

    به لاس دی برکت وردګی خوری
    خوباید اسلامی نظام په تطبیق اصراروکړو چی هم خلک منی اوهم دشزوحقوق په کی تامین دی
    حسن وردګ

  3. خالده افغان Reply

    آغلې ذکیه جانې وردک! ستاسونه ډیره مننه، ښکلی نظر لرۍ۰ لکه تاسوچې لیکلي د امنیت نشتوالی او ناوړه دودونه دی چې زمونږ د ښځواوټولنې د بدمرغیوعلت ګرځیدلي دي، دا رسښتیاخبره ده۰
    د یوه انسان زور یا قدرت(پوتنسیال) د هغه ماغزه دي چې دې ټول بدن کنترول په مغزوکې دی۰ «الله ج» ماغزه په نارینه او ښځینه وو کې تقریباً په یوه اندازه جوړکړي۰ د یوې ټولنې ماغزه یا دماغ ښځې او نارینه په ګډه جوړوي۰ زمونږ په ټولنه کې یوازي د مغزو د یوې برخې نه کار اخستل کیږي او بله برخه ئې معیوبه ده۰ کله چې د مغزو یوه برخه په کار بُخته او بله خوا کارونکړي، نوهغه ټولنه په معیوبویا معلولو(لیونو)شمیرل کیږی، نو موږ په خپله ټولنه او بیا هیواد کې ۵۰٪ معیوبین لرو۰ د هیواد د پرمختیا لپاره پکار دي چې د مغزو دواړه برخې پکار واچول شي، نه یوه برخه۰
    د هغې ورځې په هیله چې زمونږافغانۍ ښځې په یوه خپلواکه، نیکمرغه او سوکاله ټولنه کې له خپلوهیوادوالو ورونوسره پرته له کومه توپیره څنګ په څنګ ولاړې وي۰

  4. Rafi kaliwal Reply

    ګلالۍ لیکنه

  5. غ.حضرت Reply

    محترمی ذکئې
    ښه ایډه آله او ارمانی لیکنه ده خو خبره داه چه باور وکی نن سبا زموږ نارینه تر تاسو ښځو ډېر په تنګی او بدحالت کی دی
    ستاسی ښځو لپاره خو یوه تصنعی او احمقانه توجیه تراشله شوېده چه ګواکی ښځه یو کمزوره موجود دی چه البته ښځه یو دروند موجود دی امّا تاسی ښځی دا ومنی چه په هغه اندازه چه ستاسی سره ظلم کیږی زموږ نرانو سره درې چنده ظلم کیږی
    نوم او بازو مو د نر دی او ځان د اولاد او ماندینې د نفقې د تأمین مسئول ګڼو خو د بده مرغه هیځ پلاس کی نلرو بناً هغه حقارت چه یو نر ئې د خپلو بچانو د نفقې د نه برابرلو له امله ګالی تاسی ښځو یو شیبه هم د هغه حقارت د درد ترخه مزه نده تر ژبه کړې
    بناً ګرانی خوښینی
    هیله ده چه د یو څه مودې لپاره ددې ارمانی ونی د ټک وهلو څخه ډډه وکی او وخت راکی چه لومړی موږ نارینه د رښتینی نرتوب پر لیکه حرکت وکو او خپل موجودیت تنظیم او سمبال کو بیا به هغه وخت ستاسی سره هم ستاسو د مشروعو حقونو د تأمین او تمکین په هکله صادقانه مرسته وکو تر هغو مو د نړیوال مګسیزم او فمینیزم په ترانو غوږونه مه راخوری

Leave a Reply

Your email address will not be published. Required fields are marked *