Categories

اعلان

Loading…

د افغان او پاکستان د ملکي استازو درې ورځینۍ غونډه نن پیلېږي

تاند- د افغانستان او پاکستان د پارلمانونو غړي، پخواني چارواکي، د مدني ټولنې او رسنیو استازي به د دوو هیوادونو د اړیکو د نژدې کولو پر لارو چارو د غور لپاره سره له نن /دوشنبې/ درې ورځینۍ غونډه پیل کړي.

په اسلام اباد کې د څېړنو او امنیت خپلواک تحقیقاتي مرکز او کابل مېشت د ښځو او سولې د مطالعاتو ټولنه دا خبرې په داسي وخت کې پیلوي چې کړکېچ د دوو هیوادونو ترمنځ رسمي اړیکې اغېزمن کړي دي.

د مارچ په پنځلسمه په لندن کې د افغانستان او بریتانیا د ملي امنیت د سلاکارانو او د پاکستان د بهرنیو چارو د سلاکار په درې اړخیزه غونډه کې موافقه وشوه چې افغانستان او پاکستان به دوه اړخیزې خبرې او تماسونه ډېر کړي.

خو د لندن له غونډې وروسته د دوو هیوادونو د چارواکو ترمنځ بله ناسته نه ده شوې.

د افغانستان او پاکستان د مدني ټولنو او پارلمانونو استازي به د اسلام اباد د درې ورځینۍ غونډې ترڅنګ د پاکستان د بهرنیو چارو له سلاکار سرتاج عزیز او د دغه هیواد د ملي امنیت له سلاکار ناصر جنجوعه سره هم وویني.

ځیني به یې د پاکستان په دوو سترو پوهنتونونو کې محصلانو ته ویناوې هم وکړي.

د غونډې تنظیموونکي وايي، د دوی هدف دا دی چې د دوه اړخیزو مسایلو په اړه پوهاوی زیات کړي، د ولسونو ترمنځ باور ډېر کړي او بې باوري او شکونه ختم کړي.

دوی همداراز ویلي چې هڅه کوي د دوو هیوادونو د حکومتونو ترمنځ د پُل رول ولوبوي او د دوو هیوادونو د ولسونو ترمنځ د ښو تماسونو او دوه اړخیزو خبرواترو دوام یقیني کړي.

دوی تېره میاشت په کابل کې غونډه وکړه او په لړ کې یې د افغانستان او پاکستان له حکومتونو وغوښتل چې د دواړو هیوادونو د خلکو د لوړو ګټو په خاطر په اوسنیو شرایطو کې له زغم او حوصلې کار واخلي.

248 total views, 1 views today

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2