اعلان

Categories
اعلان

تنګې جامې د ښځو د ملا له درد سره بې ارتباطه نه دي

تاند- ډاکترانو هغو کسانو ته چې ډېر تنګ یا چسپ جین پتلونونه اغوندي خبرداری ورکړی چې د ملا درد ورته پیدا کېږي.

د انډیپنډنټ ورځپاڼې د راپور له مخې، د بریتانیا د یوې طبي ادارې (British Chiropractic Association ) سروې ښيي چې نژدې درې برخې (۷۳٪)  ښځې د ملا درد لري او اکثره ښځې چې دا ستونزه لري فېشني یا مودپالې ښځې دي چې ډېر تنګ جین پتلونونه اغوندي او تر اندازې د لوړو کوري بوټونه پښو کوي.

سروې ښيي چې درانه زېورات هم بې اغېزې نه دي.

سروې کوونکي وايي، د ډېر تنګ جین اغوستل د انسان خوځښت محدودوي او عضلې ډېر حرکت ته نه پرېږدي چې په نتیجه کې یې پر مفصلونو او هډوکو فشار راځي.

د دې څېړنې یوې غړې ریشي لوټي اندیپندنټ ورځپاڼې ته وویل«که پتلون ډېر تنګ وي، سم او عادي تګ پکې نه شي کېدای. د بدن ځیني غړي مو له حرکته لوېږي په تېره بیا د ملا لاندینۍ برخه؛ د دې په نتیجه فشار پر مفصلونو راځي. طبیعي ده کله چې ځیني برخې خوځېدای نه شي یا له حرکته لوېږي پر نورو برخو فشار راځي.»

دا سروې چې په څه باندې ۲ زره ښځو شوې، په سلو کې ۷۳ ویلي چې د ملا درد لري. د دوی په منځ کې ۲۸ فیصدو ویلي چې تنګې جامې یې اغوستلې.

Leave a Reply

Your email address will not be published. Required fields are marked *

اعلان