Categories

کانګریس: پاکستان دې د نړیوال تروریزم د ملاتړکوونکي هیواد په توګه په رسمیت وپېژندل شي

تاند- د امریکا د کانګریس د استازو جرګې ته یوه لایحه وړاندې شوې چې پر اساس یې غوښتنه شوې چې پاکستان د تروریزم ملاتړ کوونکی هیواد وپېژني.

د دې لایجې وړاندې کوونکی مخکښ کانګریس من ټیډ پو همداراز هلې ځلې پیل کړي چې له پاکستان سره د امریکا په اړیکو کې انقلابي بدلون راوستل شي.

ټیډ پو د کانګریس د استازو جرګې د تروریزم ضد کمېټې رييس دی او د پاکستان پر پالیسیو سختې نیوکې کوي.

د دې لایحې پر اساس د امریکا ولسمشر مکلف دی چې په ۹۰ ورځو (درې میاشتو) کې پاکستان د نړیوال تروریزم ملاتړی اعلان کړي او یا یې رد کړي.

همداراز یوه میاشت وروسته د امریکا د بهرنیو چارو وزیر باید راپور ورکړي چې پاکستان د تروریزم ملاتړی ګڼي او یا به توضیح ورکوي چې ولي پاکستان لا هم د نړیوال تروریزم ملاتړ کوونکی نه ګڼل کېږي.

ټیډ پو په وړاندې کړي وړاندیز کې لیکلي«پاکستان نه یوازې یو داسي دوست هیواد دی چې باور پرې نه کېږي، بلکې له کلونو راهیسي یې د امریکا د دښمنانو ملاتړ کړی دی.»

ده ویلي، اسامه بن لادن ته له پناه ورکولو رانیولې د حقاني شبکې تر ملاتړه پوري پاکستان د تروریزم پر ضد په جګړه کې له امریکا سره ملګرتوب نه دی کړی.

په لایحه کې ویل شوي «هغه وخت راغلی چې موږ پاکستان ته د تېرایستلو په خاطر پر انعام ورکولو بندیز ولګوو او رسماً یې د نړیوال تروریزم ملاتړی هیواد اعلان او په رسمیت وپېژنو.»

ښاغلي پو تېر کال هم ورته لایحه وړاندیز کړې وه خو هغه مهال یې د تصویب چانس ډېر لږ و ځکه چې د اوباما د واک موده پای ته رسېدونکې وه او پر دې موضوع بحث او پرېکړې ته ډېر وخت نه و.

Leave a Reply

Your email address will not be published. Required fields are marked *

google.com [1], pub-1528507673086054, DIRECT, f08c47fec0942fa0
cavixo.com [2],1366,DIRECT
google.com [1], pub-7980196294731979, DIRECT, f08c47fec0942fa0
smartadserver.com [3],1343,RESELLER
smartadserver.com [3],2875,RESELLER
indexexchange.com [4],179394,RESELLER
contextweb.com [5],560288,RESELLER,89ff185a4c4e857c
pubmatic.com [6],156439,RESELLER
pubmatic.com [6],154037,RESELLER
rubiconproject.com [7],16114,RESELLER,0bfd66d529a55807
openx.com [8],537149888,RESELLER,6a698e2ec38604c6
sovrn.com [9], 257611,RESELLER, fafdf38b16bf6b2b
appnexus.com [10],3703,RESELLER,f5ab79cb980f11d1
ibillboard.com [11], 29038, DIRECT
indexexchange.com [4], 180179, RESELLER, 50b1c356f2c5c8fc
stroeer.com [12], 14214 ,DIRECT
indexexchange.com [4], 183592, RESELLER, 50b1c356f2c5c8fc
Appnexus.com, 1371, RESELLER, f5ab79cb980f11d1
contextweb.com [5], 558750, DIRECT, 89ff185a4c4e857c