Categories

اعلان

Loading…

ردالفساد / بارکوال مياخېل

يوه بلا،

نوې بلا مو په وطن کې ګرځي

نه نوې نه ده خو راغلې ده په نوي نامه

ده يې اغوستې د وحشت او کرکې توره قبا

ايښي غاښونه يې د اوسپنې دي

او په لېمو کې داسې اور ګرځوي

چې يې وژلاى نه شي مړاوې اوبه

را غزوي زما ګرېوان ته خپل خيرن لاسونه

وايي چې تا ده نظر کړې ښکلې ناوې د ژوند

په نظرمات کې مې کړي څلى د وجود را برباد

ووايي ردالفساد ردالفساد

__

يوه بلا،

          يوه بې مخه زوروره بلا

د ورځې هم په شپه کې هم ګرځي او ما لټوي

چې ورته بد وايي له هغو سره کار نه لري

بس خو په ما پسې څلور کونجه دونيا لټوي

ده را خبره چې خولې مې دي د ژوند خوږبويي

زه مې د خاورې ګلابونه معطر ساتمه

راپسې ګرځوي پردۍ څېره پردۍ جامې

وايي تر څو به ځان له نورو معتبر ساتمه

په دې ګناه مې مخ نوکارې کړي ما وګڼي پردى اولاد

ووايي ردالفساد ردالفساد

__

يوه بلا،

          يوه مالومه انسان مخې بلا

راځي او هره ورځ مې جېب ګوري، مکان ګوري

زړه مې له مينې ډک،

     زړې جامې

او کړمه مېلمستون ور ښکاره

دا پکې بم لټوي دا زما ايمان ګوري

زما پټکى، څادر، سدرۍ، جامې خيرن وګڼي

زه ورته وخاندم او دا د ژوندون رنګ وګڼم

دا پکې ګوتې وهي دا پکې لړم لټوي

ما په دې تور چې په غربت کې باچهي کومه

تر غاړه ونيسي، تر مرګه مې بيا نه کړي ازاد

ووايي ردالفساد ردالفساد

__

يوه بلا،

          يوه ړنده يوه بې سترګو بلا

په دې درست کلي کې تنها ګرځي بېغمه ګرځي

د هر وجود څلي ته وخاندي پر مخ تېره شي

د هر چا روح پخپل بدن کې پټ دى

ږغ په خوبونو کې اوږدې شپې د يلدا وړى دى

عقل او زور مو د خيالونو په وطن کې پټ دى

څوک به د مرګ په غوږ کې ووايي چې ژوند زنده باد

ووايي ردالفساد ردالفساد.

***

  • ٢٥ فبروري ٢٠١٧م کال
  • کوټه

371 total views, no views today

1 comment

  1. Attal Reply

    افغانانو متفق سی
    داسی بلاکانی ستاسو نیکونو هم به اتفاق سره له منخه وری دی
    خدایه ج د افغانانو دشمن نابود کری

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

استقلال | استاد عبدالله ويديال

دا لیکنه مې د هېواد د استقلال د (۱۰۰) مې کلیزې، یوې نمانځغونډې ته د وینا یوه برخه وه. د…

استقلال | استاد عبدالله ويديال

20 Oct 2019 خپلواکي مقالې تاند No comments

نور

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور
  • 1
  • 2