Categories

اعلان

Loading…

د انسان له ذهنه ټول معلومات پاکېدای شي

تاند- ساینسپوهان وايي، د انسان په حافظه کې ټول موجود معلومات پاکېدای شي.

کاناډايي ساینسپوهانو پر موږکانو د تجربې په لړ کې ثابته کړه چې د انسان له حافظې ټول معلومات ایستل کېدای یا پکې زېرمه کېدای شي.

د انسان له حافظې د تېرو غیر منفي خاطرو هېرول ښايي ډېر مهم پرمختګ نه وي ځکه چې هسي هم د هېرې یا الزایمر ناروغي شته چې په نړۍ کې ډېر خلک په تېره بیا زاړه ورسره مخامخ کېږي. خو د انسان په حافظې کې د نورو معلوماتو زېرمه کول به لوی پرمختګ یا حتي انقلاب وي.

کاناډايي ساینسپوهان وايي، د مازغو حُجرې یا نورونونه، چې خاطرې جوړوي او زېرمه کوي، کېدای شي د برښنا د ګروپ په شان په یوه سویچ روښانه او ګول شي.

د دې څېړنې د یوه برخوال ډاکتر جاسلین په وینا، د مازغو له ملیونونو حجرو یوازې لږ شمېر د وېرې یا ګواښ د خاطرو د ژوندي ساتلو لپاره دي.

دی وايي دې ته په پام کېدای شي په دې برخه کې نور پرمختګ له ګڼو هغو کسانو سره مرسته وکړي چې بدې خاطرې لري یا د بدې پېښې په خاطر یې شوک لیدلی دی.

19 total views, 3 views today

Leave a Reply

Your email address will not be published. Required fields are marked *