Categories

د پاکستان پوځ وايي، د ۷۶ ترهګرو لیست یې افغانستان ته سپارلی

تاند- د پاکستان د پوځ د عامه اړیکو ريیس تورنجنرال اصف غفور نن /جمعه/ وویل، د پاکستان پوځ افغانستان ته د ۷۶ تروریستانو د نومونو لیست ورکړی او ورڅخه غوښتي یې دي چې پاکستان ته یې وسپاري.

تورنجنرال غفور په ټویټر کې لیکلي چې دا لیست په اسلام اباد کې د افغانستان سفارت ته سپارل شوی او ورته ویل شوي چې دا کسان په افغانستان کې پټ دي.

پاکستان دا لیست وروسته له دې د افغانستان سفارت ته ورکړ چې په سند ایالت کې د شهباز قلند په زیارت کې انتحاري حملې په سلګونو تنو ته مرګ ژوبله واړوله.

د افغانستان حکومت تراوسه پوري د پاکستان له خوا د لیست د ورسپارلو په اړه څه نه دي ویلي.

د پاکستان د بهرنیو چارو وزارت روانه اوونۍ د لاهور د چاودنې په خاطر په اسلام اباد کې د افغانستان مرستیال سفیر احضار کړ.

پاکستانۍ ورځپاڼې ډیلي ټایمز لیکلي چې د پاکستان پوځ افغان چارواکو ته ویلي چې که افغانستان د دغو ۷۶ تنو خلاف اقدام نه شي کولی، پاکستان به په خپله مناسب اقدام وکړي.

2 comments

  1. Sultani Reply

    افرین پاکستان دومره تکړه دی
    موږ چې هره ورځ وژل کېږو او هره ورځ حملی را باندې کېږي
    یوه ورځ هم افغان حکومت نه لار وتړله او نه یې پاکستان ته د زرګونه ترهرګرو لست ورکړ

    دیته وايي سیاست

  2. dawud Reply

    د کوټې او پېښور شوراګانې خو هېڅ

Leave a Reply

Your email address will not be published. Required fields are marked *