Categories

له طالبانو وروسته یې موږ دویم وار درځنې اخلو/ نظیف الله نظیف  

   د  ډانګ او پړانګ خبره ده، لار ورکی او سرګردانه ولس یې منځ کې ګير دی، د جګړې د ټولو اړخونو غرامت باید ولس پرې کړي، دوی د ټولو جګړو اصلي قربانیان دي، که کورونه یې ړنګ او یا سوزیږي، بچي یې مري، مالونه یې د باروتو په سرو لمبو کې لولپه کیږي، باک یې نشته خو چې د جګړې ښکېلوو خواوو ته یې ګټه شتون ولري .

   نږدې دوه میاشتې کیږي په کندوز کې وسله وال طالبان د هغو سیمو له خلکو نه د برېښنا د لګښت بیلونه ټولوي، چې د دوی تر ولکې لاندې دي، وسله وال طالبان د کندوز ډېرې سیمې په واک کې لري او دغه چاره یې په دغو سیمو کې روانه کړې ده، ان تر دې چې طالبان د کندوز مرکز اړوند د ښار په درې کیلو متري کې هم  د دغې سیمې له اوسيدونکو نه د برېښنا د لګښت بیلونه ټولوي .

   په ورته وخت کې د کندوز د برېښنا شرکت په سیمه اییزو رسنیو کې خبر تیاوې خپروي چې وسلوالو ته د برېښنا د لګښت د بیلونو په ورکولو سره سره به موږ بیا درځنې کله چې ستاسو سیمې د ملي یووالي د حکومت تر ولکې لاندې راغلي خپل د برېښنا لګښت واخلوو .

   دا چې عام ولس د طالبانو تر ولکې لاندې سیمو کې اوسیږي، نو د ملي یووالي د حکومت پر وړاندې یې همدغه ستر جرم دی او باید  دغه ولس د برېښنا لګښت دوه ځله پرې کړي، که څه هم دلته وارداتي برېښنا ده او خصوصي شرکت یې خلکو ته رسوي، خو د حل لار دا نه ده چې په هره موضوع کې دې عام ولس قرباني ورکړي .

   حکومتونه د دې مسولیت لري  چې ولسونو ته  د ژوند غوره خدمات او اسانتیاوې رامنځته کړي، خو دلته یې د اسانتیاوو د رامنځته کولو پر ځای دوه ځله وژني، د وګړو وران ویجاړ اقتصادي وضعیت ته په کتو سره دوه ځایه  او دوه ځلي د برېښنا د لګښت بیل ورکول د دغو وګړو لپاره دوه ځلي د اقتصادي وضعیت وژنه ده .

   د هغو سیمو وګړي چې د عینې برېښنا لګښت به ترېنه دوه ځله اخستل کیږي ټول یې بزګران دي، د ملي یووالي حکومت دې ارزونه وکړي چې تر دې دمه یې ورته د بزګرۍ په برخه کې کومې اسانتیاوې رامنځته کړي، چې اوس دې د دې توان ولري چې دوه ځایه لګښتونه پرې کړي .

    که د دې خلکو ګناه دا وي چې د وسله والو طالبانو تر ولکې لاندې سیمو کې ژوند کوي، نو بیا خو خبره د ملي یووالي له حکومته شړېدلې چې په یوه ولایت کې دې له دوی نه وسله وال طالبان ډېرې سیمې په خپل واک کې ولري .

Leave a Reply

Your email address will not be published. Required fields are marked *

google.com [1], pub-1528507673086054, DIRECT, f08c47fec0942fa0
cavixo.com [2],1366,DIRECT
google.com [1], pub-7980196294731979, DIRECT, f08c47fec0942fa0
smartadserver.com [3],1343,RESELLER
smartadserver.com [3],2875,RESELLER
indexexchange.com [4],179394,RESELLER
contextweb.com [5],560288,RESELLER,89ff185a4c4e857c
pubmatic.com [6],156439,RESELLER
pubmatic.com [6],154037,RESELLER
rubiconproject.com [7],16114,RESELLER,0bfd66d529a55807
openx.com [8],537149888,RESELLER,6a698e2ec38604c6
sovrn.com [9], 257611,RESELLER, fafdf38b16bf6b2b
appnexus.com [10],3703,RESELLER,f5ab79cb980f11d1
ibillboard.com [11], 29038, DIRECT
indexexchange.com [4], 180179, RESELLER, 50b1c356f2c5c8fc
stroeer.com [12], 14214 ,DIRECT
indexexchange.com [4], 183592, RESELLER, 50b1c356f2c5c8fc
Appnexus.com, 1371, RESELLER, f5ab79cb980f11d1
contextweb.com [5], 558750, DIRECT, 89ff185a4c4e857c