Categories

اعلان

Loading…

په ننګرهار کې د داعش ۲ مهم قوماندانان ووژل شول

تاند- د ننګرهار پولیس وايي چې د ناټو ځواکونو د بې پېلوټه الوتکې په برید کې د داعش د دوو مهمو قوماندانانو په شمول ۱۱ غړي وژل شوي دي.

د ننګرهار د امنیه قوماندانۍ ویندوی محمد حسین مشرقیوال نن /پنجشنبه/ وویل، په دغه ولایت کې د ناټو د بې پېلوټه الوتکې د چهارشنبې په برید کې د داعش قوماندانان محمد عمر صدیقي او عمر فاروق له ۹ نورو داعشیانو سره وژل شوي او ۶ ژوبل شوي دي.

په افغانستان کې د امریکايي پوځیانو ویندوی بیل سالفین تایید کړه چې د دوی له لوري په ننګرهار کې د بې پېلوټه الوتکې له لوري بریدونه شوي دي.

ده د حملې په نتیجه کې د اوښتو مرګ ژوبلو په اړه څه ونه ویل.

د سره صلیب د تښتول شویو کارکوونکو د موندلو لپاره عملیات

په همدې حال کې د جوزجان ولایت په قوش تېپه ولسوالي کې د سره صلیب د نړیوالې کمېټې د تښتول شویو غړیو د موندلو لپاره عملیات روان دي.

دا کسان په جوزجان کې د داعش غړیو وروسته له دې پرون /سې شنبه/ وتښتول چې د هغو ۶ نور ملګري یې ووژل.

د جوزجان امنیه قوماندان رحمت الله ترکستاني وویل«عملیات دوام لري او په عین حال کې له قومي مشرانو سره په تماس کې یوو څو د سره صلیب د نړیوالې کمېټې د تښتول شویو کسانو د ځای په موندلو کې زموږ سره مرسته وکړي.»

ده په عین حال کې وویل چې د تښتول شویو کسانو شمېر ۳ تنه دی.

پرون په راپورونو کې ویل شوي و چې دوه تنه تښتول شوي دي.

61 total views, 1 views today

Leave a Reply

Your email address will not be published. Required fields are marked *