Categories

اعلان

Loading…

ناټو: په دې نه باور چې ترهګر به بیا له افغانستانه کار نه اخلي د ناټو د حضور دلیل دی

تاند- په اروپا کې د ناټو د مرکزي قوماندانۍ عمومي قوماندان وايي، د ناټو او ايتلاف ځواکونه د دې لپاره په افغانستان کې مېشت دي چې اطمینان نه لري چې تروریستان به بیا له افغانستانه د نورو هیوادونو پر ضد کار نه اخلي.

کیرتیس سکاپاروتي د افغانستان د سفر په لړ کې وویل«د ناټو ځواکونه د دې لپاره په افغانستان کې حضور لري چې د تروریستانو د مخنیوي په برخه کې ډاډ ترلاسه شي.»

سکاپاروتي د افغانستان د سفر په ترڅ کې په دغه هیواد کې د ناټو د غوڅ ملاتړ ماموریت له قوماندان، د افغان ځواکونو له روزونکو قوماندانانو او سلاکارانو سره ولیدل او د غوڅ ملاتړ ماموریت د لومړیتوبونو په اړه یې ورسره خبرې وکړې.

قوماندان سکاپاروتي وویل، د افغان امنیتي او دفاعي ځواکونو پرمختګونه چې د ناټو د هلوځلو ښکارندويي کوي، هیله بخښونکي دي.

ده تاکید وکاوه«موږ باید دا ډاډ ترلاسه کړو چې ترهګر بیا له افغانستانه د خوندي پناهځای په توګه کار نه شي اخیستلی او دا د افغان امنیتي او دفاعي ځواکونو د پیاوړتیا لپاره زموږ د ژمنې دلیل دی.»

حاضردمه په افغانستان کې د غوڅ ملاتړ ماموریت په چوکاټ کې ناټو ۱۳۰۰۰ پوځیان لري چې لویه برخه یې؛ یعني ۸۴۰۰ امریکایان دي.

332 total views, no views today

Leave a Reply

Your email address will not be published. Required fields are marked *

۸