Categories

اعلان

Loading…

په څېړنه کې د ترکیبي موضوع انتخاب/ پوهنیار سیداصغر هاشمي

په څېړنه کې د ښې موضوع غوره کول د نیم کار تکمیل دی نو له همدې امله محقق باید د موضوع په غوره کولو کې له احتیاطه کار واخلي. بهترینه څېړنېزه ښه موضوع خپل خصوصیات لري او محقق باید هغه ټولې خبرې په نظر کې ونیسي او موضوع غوره کړي. همدارنګه هغه موضوع چې د تحقیق لپاره مناسب نه وي هم خپلې ځانګړنې لري چې محقق باید له داسې موضوع غوره کولو ډډه وکړي.

په عام ډول د نړۍ اکثره علوم سره اړیکې لري او په خاص ډول اجتماعي علوم له دې هم ډېره نږدې رابطه لري.

په اجتماعي پوهنو کې ادبیات له ارواپوهنې او فلسفې سره اړیکې لري. که چېرې د ادبیاتو متخصص په ارواپوهنې او فلسفې پوه شي نو د ده علمي کارونه به پياوړي وي. د نويو تحقیقاتو یوه مهمه ځانګړنه او د پرمختګ له لاملونو یو لامل دا دی چې د دوو پوهنو د اشتراک په صورت کې دې یوه نوې خبره او فرضیه اثبات ته ورسېږي.

که یوه تحقیقاتي موضوع د څو پوهنو پواسطه پر مخ ولاړ شي او یوه نتیجه ترې لاس راشي نو دې ډول موضوع ته کمپوزیټ (بین العلومي)موضوع ویلای شو. له تحقیقاتي کمپوزیټ موضوع پرته په څېړنه کې کمپوزیټ مېتود هم لرو، دا هغه مېتود دی چې د یوې فرضیي د اثبات لپاره د اصلې موضوع پرته بله ریښه د بل علم سره ولري ترڅو اصلې موضوع اثبات ته ورسېږي. دا هغه ترکیبي مېتود دی چې د یوې موضوع د څرګندولو لپاره د اصل موضوع پرته بله فرعي موضوع هم غواړي.

په پښتو ادبياتو کې د خوشحال د پېژندنې او د هغو د شعرونو د ښه تحليل او تفسير لپاره بايد د هغې د ژوند، سياسي حالاتو، اقتصادي حالاتو او ټولنېزو حالاتو نه ځان خبر کړو.

همدارنګه د خوشحال خان ارواپوهنېز عوامل د دې پر ژوند، جنګ او جګړو او همدارنګه په تخليقاتو کې يې څرګند مثالونه شته دي.

که چېرې يو محقق د کتابتوني څېړنې په واسطه، د تاريخي ميتود نه په استفادې ادب تاريخ ليکي او د ادب تاريخ ليکنې په بهير کې پرخوشحال خان خپل بحث پيل کړي نو څېړونکی مجبوره دی، چې د تاريخي او ترکيبي ميتود نه په استفادې، پر خوشحال خان بحث وکړي، ترڅوچې د خوشحال د ژوند بېلا بېل ابعاد ښه وڅېړل شي.

که چېرې یوه موضوع د یو علم سره اړیکه ولري نو د داسې موضوع اثبات ته رسول نسبتا هغه موضوع ته چې د یو پر ځان څو علومو پوهنو ته اړتیا ولري نسبتا ستونزمنه موضوع ده خو د داسې موضوعاتو نتایج نوي او پرومختللي وي او نننۍ نوي څېړنېز پرمختګونه هم دا تقاضا کوي.

پخوانۍ اکثره څېړنې دودیز تحقیقات وه او ډېر یې د یو علم سره رابطه لري. که چېرې(د ګل پاچا الفت پېژندنې) عنوان تر بحث لاندې نیول کېږي نو له یوې زاويي بحث پیل او پای ته رسږي خو که چېرې(د ګل پاچا الفت په شعرونو کې پيداګوژیکي نظریات) پلټنې لاندې نیول کېږي نو له دوو زاویو بحث پیل او پای ته باید ورسېږي. محقق باید د ادبیاتو پرته د ارواپوهنې مطالعه هم ولري.

د غني پېژندني په هکله زما یو اثر د نن نه څو کاله له مخه(غني خان فلسفي شاعر) تر سرلیک لاندې چاپ شو، د غني په هکله ابتدايي معلومات لري او زما د هغې وخت علمي توانمندۍ په نظر کې نیولو سره زما په پوهه ځینې نوې خبرې لري او اکثره خبرې یوازې له ادبیاتو سره تړاو لري.

د غني په هکله یو نوی اثر په نږدې وختونو کې چاپ شو، دغه اثر د پیاوړي محقق محمد اکبر کرګر نوې څېړنه ده چې په دوو جلدونو کې(غني د شګو په محل کې) لومړی ټوک او(ماته یو دریاب د نور را) دویم ټوک کې چاپ شو. دغه اثر په غني خان نوې خبرې لري او دلیل یې دا دی چې په تحقیق کې د کرګر صاحب د عروج مرحله ده، ډېره مطالعه او د عمر  تېریدل، د فلسفې د څانګې لوسته او همدارنګه د فلسفي اثارو مطالعه، د تصوف او عرفان نه پوره مطالعه او د نړۍ د نورو ادیانو تصوفي او عرفاني جریانونو باندې پوهیدنه او داسې نور لاملونه دي چې ډېرې نوې خبرې لري. دغه اثر د موضوع په لحاظ هغه بین العلومي څېړنه ده چې د ادبیاتو پرته د فلسفې او ارواپوهنې په باب هم د کار خبرې لري چې د څو زاویو نه په غني نوې خبرې پکې شته دي. هر انسان د ژوند په مختلفو پړاوونو کې دننني او بېروني جوړښتونه تغیر او تحول کوي، د انسان له بېروني تغیر سره کله کله دنننی تغیر هم تر سترګو کېږي.

په انسان راغلي تغیرات ارثي، محیطي، رواني او داسې نورو لاملونه له امله وي، نو د هر انسان په هکله پلټنې کولو لپاره مهمه ده چې د ده اروایي ځانګړنې تر بحث لاندې ونیول شي. کله چې په خوشحال خان خټک نوې څېړنه کوو نو مجبوره یو چې د ده د وخت سیاسي، اقتصادي، اروايي، رواني، ټولنېز موقف، ارثي او داسې نورو برخو نه مطالعه ولرو.

پښتو ادبیاتو کې د روهي صاحب علمي او اکاډمیکو کارونو د نوي والي اصلي لامل په نورو ژبو پوهیدل، د نورو پوهنو مطالعه او د ده په څېړنو کې کمپوزیټ څېړنېزو موضوعاتو پلټنه ده. د روهي صاحب ډېر لیکنې د څو زاویو نه تر بحث لاندې نیول شوې دي.

د محمد اکبر کرګر د نوي څېړنو اصلي لامل همدا په د نورو پوهنو مطالعه ده. د ده په لیکنو کې د ارواپوهنې، فلسفې، د تصوفي او عرفاني جریانونو مطالعه ځینې نورې خبرې دي چې لیکنې یې نوې خبرې ډېرې لري.

292 total views, 1 views today

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د اسد د ٢٨مې جشن کمرنګه دى

 نن د اسد اته ویشتمه د بریتانیا د وخت له امپراطورۍ څخه  د افغانستان د خپلواکۍ د بیرته لاسته راوړلو…

د اسد د ٢٨مې جشن کمرنګه دى

19 Aug 2013 خبرونه خپلواکي Taand.Com Comments (4)

نور

د اسد د میاشتی ۲۸ د افغانستان د آزادی ورځ/…

نن د چهار شنبی ورځ د اسد د میاشتی ۲۸ نیټه ذه. دا هغه ورځ ده چې ۹۶ کاله پخوا په…

د اسد د میاشتی ۲۸ د افغانستان د آزادی ورځ/ محمد اجمل زرمتی

19 Aug 2015 خپلواکي مقالې تاند No comments

نور

خپلواکي/ ليکوال : محب الله آرمل

د زمري اته ويشتمه د افغانستان د خپلواکۍ ورځ ده، له نن نه ۹۶ کاله وړاندې په ۱۲۹۸ لمريز کال…

خپلواکي/ ليکوال : محب الله آرمل

19 Aug 2015 خپلواکي مقالې تاند No comments

نور

د اسد (۲۸) مه د افغانانو د ازادۍ ورځ

استاد لطيف الله حميد - ((د اسد پر (۲۶)مه نېټه د شپې پر اتو بجو د ژوندون ټلوېزيون په انګړ کې…

د اسد (۲۸) مه د افغانانو د ازادۍ ورځ

19 Aug 2015 خپلواکي مقالې تاند No comments

نور

افغانستان ولمانځو که خپلواکي؟ د اکمل داوي

 دا اوونۍ ګڼو افغانانو له انګریز ښکیلاک نه د افغانستان د خپلواکۍ د اعلان ۹۶ کلیزه په خورا شور ونمانځله.…

افغانستان ولمانځو که خپلواکي؟ د اکمل داوي

20 Aug 2015 خپلواکي مقالې تاند No comments

نور

موږ او خپلواکي/څېړنوال عبدالغفور لېوال

له شاه زمانه تر دې زمانه، موږ نه خپلواک وو او نه بشپړ ښکېل. له شاه زمانه تر دې زمانه، موږ…

موږ او خپلواکي/څېړنوال عبدالغفور لېوال

24 Aug 2016 خپلواکي مقالې تاند No comments

نور

خپلواکي څه ده؟/څېړنوال عبدالغفور لېوال

خپلواکي له کلي مفهومه تر جزیاتو لږ ترلږه دغه څلور معادل مفاهیم په انګریزۍ کې شته : استقلال ، خود ارادیت ،…

خپلواکي څه ده؟/څېړنوال عبدالغفور لېوال

26 Aug 2016 بدلون خپلواکي تاند Comments (2)

نور

شاه غازي امان الله خان او د افغانستان خپلواکي | ګل…

امان الله خان په ۱۸۹۲ م كال د کابل په پغمان كې زېږېدلى، د امیر حبیب الله خان زوی، د امیر…

شاه غازي امان الله خان او د افغانستان خپلواکي | ګل محمد پښتون

18 Aug 2017 خپلواکي مقالې تاند Comments (2)

نور
  • 1
  • 2