Categories

اعلان

Loading…

لویې څارنوالۍ د جنرال دوستم د تورنو ساتونکو د نیولو امر وکړ

تاند- د افغانستان لویې څارنوالۍ د ولسمشر د لومړي مرستیال جنرال عبدالرشید دوستم د هغو ساتونکو یا باډي ګاردانو د نیولو امر وکړ چې د جوزجان د پخواني والي احمد ایشچي په ځورولو او وهلو کې په لاس لرلو تورن دي.

د نیویارک ټایمز ورځپاڼې د راپور له مخې، په کابل کې یوه افغان چارواکي نن /سې شنبه/ د لویې څارنوالۍ د حکم د تاییدولو ترڅنګ وویل چې د جنرال دوستم په اړه لا هم تحقیقات روان دي.

لویې څارنوالۍ هم تایید کړه چې د جنرال دوستم د ساتونکو د نیولو حکم یې صادر کړی دی.

لویې څارنوالۍ وروسته له دې د لومړي مرستیال ولسمشر د ساتونکو د نیولو امر وکړ چې جنرال عبدالرشید دوستم او ساتونکي یې پر دوی د لګول شویو تورونو په اړه پوښتنو ته د ځواب ورکولو لپاره لویې څارنوالۍ ته حاضر نه شول.

نیویارک ټایمز وايي، د جنرال دوستم قضیه د عدالت د عملي کولو په برخه کې د افغانستان د حکومت د ارادې یوه ازموینه ده.

۶۳ کلن احمد ایشچي تور پوري کړی چې د تېر کال په نوومبر میاشت کې د جوزجان ولایت د بزکشۍ په میدان کې د دوستم او د هغه د ساتونکو له لوري وهل شوی، په زوره موټر ته اچول شوی او د دوستم په کور کې جامې ورڅخه ایستل شوي او د جنسي تېري تر پولې سپکاوی ورته شوی دی.

نیویارک ټایمز ورځپاڼه وايي، د افغانستان لوی څارنوال فرید حمیدي نن /سې شنبه/ حاضر نه شو چې د دې قضیې په اړه په تفصیل وږغېږي خو ویې ویل چې څارنوالان په دقت د قانون د اجرا کېدو هلې ځلې کوي.

«موږ په دې قضیه کې په خورا دقت له قانون سره سم کار کوو.»

ورځپاڼه وايي چې د جنرال دوستم سلاکاران او ویندویان حاضر نه شول چې د لویې څارنوالۍ د تازه حکم په اړه څه ووايي.

692 total views, 3 views today

2 comments

  1. sayed.rahman.ziarmal Reply

    واه غریبه قانون پرتا تطبیق شو افغانستان اساسی قانون نه بلکه دافغانستن دخوارو غریبو اساسی قانون )نا (

  2. خواتی Reply

    دلوی څارنوالی داپریکړه دهغه خبرې څرګنده بیلګه ده چې وایي په خره یې زورنه رسیږي خودخره کتې ته یې سوټي نیولي دي.

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2