Categories

اعلان

Loading…

په بغلان کې د امنیتي ځواکونو او طالبانو په نښته کې ۲۰ تنه ووژل شول

تاند- د بغلان ولایت په مرکزي بغلان ولسوالي کې د وسله والو طالبانو او امنیتي ځواکونو ترمنځ په خونړۍ نښته کې تر شلو ډېر سختدریځي ووژل شول.

د مرکزي بغلان ولسوال ګوهر خان بابري نن /یکشنبه/ وویل، نښته تېره شپه هغه مهال پیل شوه چې وسله والو طالبانو په (چهارشنبه تپه) کې پر څو امنیتي بوستو بریدونه وکړل. د ولسوال په وینا د طالبانو په حمله کې د سیمې یو شمېر کورونه سخت زیانمن شول.

په همدې حال کې د بغلان د پولیسو ویندوی ذبیح الله شجاع په چهارشنبه تپه کې د امنیتي ځواکونو او طالبانو ترمنځ د نښتې پېښېدا تایید کړه، ویې ویل چې په لړ کې یې تر ۲۰ زیات یاغیان وژل شوي او یو شمېر نور ژوبل دي.

شجاع وویل چې نن کرۍ ورځ د دواړو خواوو ترمنځ جګړه روانه وه.

مرکزي بغلان، دهنه غوري او ډنډ غوري د بغلان هغه سیمې دي چې تل پکې د دولت او وسله والو طالبانو ترمنځ نښتې کېږي.

د جګړو او ناامنۍ د دوام له کبله د دغو سیمو خلک په ځلونو بې کوره شوي، ماشومان یې له زده کړو او روغتیايي امکاناتو محروم شوي او اقتصاد یې سخت زیانمن شوی دی.

432 total views, no views today

Leave a Reply

Your email address will not be published. Required fields are marked *

۸