Categories

اعلان

Loading…

د سهار له مخې منډه مو ځواکمن او تازه ساتي

ژباړه: حمیدالله حمیدي

 نوې څېړنې څرګندوي چې هره ورځ د کم وخت لپاره منډه کول د وجود د پیاوړتیا لامل کېږي. څېړونکي وایي، په ورځ کې نیم ساعت منډه د یوې اوونۍ له پلي تګ سره برابره ده او کولی شي د انسان وجود کلک او ځواکمن کړي.

څېړنه پر ۶۴ کسانو چې د منډې کولو او پلي تګ پر دوو ډلو وېشل شوي وو، شوې ده. د څېړنې پایلو ښودلې، هغو کسانو چې د ورځې په اوږدو کې یې د نیم ساعت لپاره منډه وهله، د هغو په پرتله چې یوازې پلی تګ یې کاوه، کلک او غښتلي وجودونه لري، د بدن مقاومت یې لوړ او ډېر لږ پر ناروغیو اخته کېږي.

څېړونکي پر دې اند دي چې سهار د ورزش لپاره تر ټولو ښه وخت دی؛ ځکه په دې وخت کې کورتیزول، د سټرېس هورمون په خپله لوړه سطحه کې وي. دغه هورمون د بدن د وازګو او کاربورهایدريتونو سوځولو لامل کېږي او پر انرژۍ یې بدلوي چې د ورزش پر مهال مصرفېږي.

پر دې سربېره هغه ورزش کوونکي چې د سهار له خوا ورزش کوي، منظم خوب هم لري. د شمالي کارولینا پوهنتون څېړونکو په ثبوت رسولې ده چې د سهار له خوا ورزش کول د شپې له خوا د منظم خوب لامل کېږي.

97 total views, 1 views today

Leave a Reply

Your email address will not be published. Required fields are marked *