Categories

اعلان

Loading…

ولسي جرګې د ۱۳۹۶ مالي کال ملي بودیجه تصویب کړه

 ۲۷ جدي ۱۳۹۵:

د افغانستان ولسي جرګې درنو استازو د مرغومې میاشتې په ۲۷ مه نیټه د رایو په غوڅ اکثریت سره د ۱۳۹۶ مالي کالملي بودجه تصویب کړه.

د افغانستان مالیې وزیر ښاغلی اکلیل حکیمي د ولس درنو استازو څخه مننه کوي چې  پر ملي بودجې یې بحث وکړ او د پوره غور او دقت وروسته یې نن د افغانستان ملي ګټو ته په پام سره یاده بودجه د رایو په غوڅ اکثریت سره تصویب کړه.

 مالیې وزیر همدا راز  د ټولو بودجوي واحدونو څخه هیله کوي چې په خپلو ټولو امکاناتو سره ځانګړې شوې بودجه پهاغیزمنه، ګټوره او ملي ګټو ته په کتو سره په خپل وخت ولګوي.

د ۱۳۹۶ مالي کال بودجه په ټوله کې ۴۲۹ میلیارده افغانۍ کیږي چې ۲۶۸،۴ یې عادي بودجه او ۱۶۱پراختیایي بودجهده چې د دولت محدودیتونو، د ملي پروژو پلي کیدو، د عوایدو او مصارفو ترمنځ د توازن، د مرسته کوونکو د ژمنو،په اغیزمنه او ګټوره توګه د اوسنیو پروژو تکمیل ته په کتو سره ترتیب شوې ده.

د یادونې وړ ده چې د ۱۳۹۶ مالي کال بودیجې ۳۸ سلنه د کورنیو سرچینو او پاتې یې د بهرنیو مرستو څخه تمویلیږي. دا په داسې حال کې ده چې تیر کال زموږ ملي بودیجه ۳۰ سلنه له کورنیو سرچینو څخه  تمویل شوې وه.

72 total views, 1 views today

Leave a Reply

Your email address will not be published. Required fields are marked *