Categories

اعلان

Loading…

د داعش وسله والو په ننګرهار کې له یوې مدرسې ۱۲ ملایان وتښتول

تاند- په ننګرهار کې چارواکي وايي، د داعش یا اسلامي دولت د وسله والې سختدریځې ډلې غړیو پرون /یکشنبه/ په دغه ولایت کې پر یوې مدرسې برید وکړ او ۱۴ ملایان یې یرغمل کړل.

د ننګرهار د پوهنې ریاست وايي چې په تښتول شویو کسانو کې ۱۲ مدرسان او ۲ اداري کارکوونکي شامل دي.

تر دې ۲ ورځې وړاندې داعشیانو د ننګرهار په کوټ ولسوالي کې د خلکو ۶۰ کورونو ته اور واچاوه.

د ننګرهار د پوهنې ریاست ویندوی محمد اصف شینواري نن /دوشنبه/ رسنیو ته وویل چې پر مدرسې په حمله کې د داعش ۳ غړیو برخه لرله.

په ننګرهار کې د داعش اکثره غړي د ډیورنډ له پوري غاړې څخه راغلي کسان دي.

تراوسه پوري داعش د دې برید په اړه څه نه دي ویلي خو دې ډلې په وروستیو کې د بغلان د تاله او برفک د پېښې په شمول د څو نورو حملو په اړه هم چوپتیا غوره کړه.

په همدې حال کې د بغلان پولیسو نن وویل چې وسله والو کسانو یو دولتي مامور مصطفي صافی وواژه.

د بغلان د پولیسو په وینا پر صافي حمله کوونکي پر موټرسایکل سپاره ول او له حملې وروسته وتښتېدل.

د بغلان ځینو نورو چارواکو د وژل شوي کس نوم عبدالصفا سنايي ښودلی او ویلي یې دي چې د بغلان سیکتور ريیس و.

سره له دې چې تراوسه پوري کومې ډلې د دې برید مسوولیت په غاړه نه دی اخیستی خو پولیس شک لري چې دا برید به طالبانو کړی وي.

90 total views, 3 views today

1 comment

  1. Satar Reply

    Harsomra che mla kam shi behtara da .

Leave a Reply

Your email address will not be published. Required fields are marked *