Categories

په کابل کې دوو انتحاري حملو په لسګونو کسانو ته مرګ ژوبله واړوله

تازه خبر:

فرانس پریس:

یوه افغان امنیتي چارواکي وویل چې د کابل په دوو انتحاري حملوکې ۲۱ تنه وژل شوي او ۴۵ نور ژوبل دي.

دغه افغان چارواکي، چې فرانس پریس یې نوم نه دی ذکر کړی، وویل چې د پېښې اکثره قربانیان ملکیان دي. د هغوی په منځ کې د ملي شورا ځیني غړي او مامورین هم شامل دي.

د هند (دي هند) ورځپاڼه:

د افغانستان ملي شورا ته نءدې په انتحاري حملو کې ۲۳ تنه وژل شوي او ۲۰ نور ژوبل دي.

اسوشیتید پریس:

چارواکي وايي، د کابل په چاودنو کې ۵۰ تنه ژوبل شوي دي.

د روغتیا وزارت یوه چارواکي محبوب الله ځیر وویل، له چاودنو وروسته روغتونونو ته ۵۰ ټپیان راوړل شوي دي.

په ولسي جرګه ګې د هرات د خلکو یوه استازي غلام فاروق نظري وویل، د هرات یو وګیله رحیمه جامي په دې بریدونو کې ټپي شوې ده.

د ایران پریس ټي وي:

د کابل په دوو چاودنو کې لږترلږه ۲۳ تنه وژل شوي او ۵۰ نور ژوبل دي. د طالبانو ویندوی ذبیح الله مجاهد ویلي چط دا حملط طالبانو کړي دي.

امریکا ږغ:

د عامې روغتیا وزارت وايي، د کابل په دوو انتحاري چاودنوکې لږترلږه ۲۲ تنه وژل شوي دي. د پېښې په قربانیانو کې د ملي شورا غړي هم شامل دي.

د استرالیا ۹ نیوز:

د افغانستان د روغتیا وزارت یوه چارواکي سلیم رسولي وايي، د کابل په چاودنو کې ۲۳ تنه وژل شوي او تر ۲۰ ډېر نور ژوبل دي.

طالبان:

د ملي امنیت د پنځم ریاست د مامورینو د سپرلۍ پر موټر په حملو کې د دغه ریاست ۷۰ تنه مړه او ژوبل شول.

2——————————

تاند- په کابل کې د ملي شورا ودانۍ ته نژدې پر دارالامان واټ د دوو پر له پسې چاودنو په نتیجه کې په لسګونو تنو ته مرګ ژوبله واوښته.

شاهدان وايي، لومړۍ چاودنه د یوه انتحاري له لوري وشوه. ورپسې په هماغه سیمه کې موټر بمي برید وشو.

شاهدان وايي، لومړۍ انتحاري حمله په ۳ بجې او ۴۵ دقیقو وشوه، دوهمه موټربمي حمله ۱۰ دقیقې وروسته وشوه.

د کورنیو چارو وزارت ویندوی صدیق صدیقي وویل چې یو شمېر کسان وژل شوي خو د تلفاتو دقیق شمېر ورته معلوم نه دی.

ځیني شاهدان وايي چې لږترلږه ۵۰ تنه وژل شوي.

صدیقي وايي، داسي ښکاري چې د حملې اصلي هدف دولتي او د ملي شورا د غړیو دفترونه ول.

د کابل ځینو رسنیو ویلي چې حملې په داسي وخت کې وشوې چې دولتي چارواکي له ملي شورا څخه وتل.

د روغتیا وزارت وايي چې روغتونونو ته لږترلږه ۴۰ ټپیان وروړل شوي دي.

د طالبانو ویندوی ذبیح الله مجاهد ویلي چې دا برید طالب ډلې کړی او د حملې هدف د ملي امنیت د ریاست د پنځم ریاست یو مني بس موټر و چې د دغه ریاست مامورین بکې سپاره ول.

مجاهد وايي چې په دې برید کې یې لږترلږه ۷۰ تنه وژلي یا ټپیان کړي دي.

2 comments

  1. پښتون Reply

    مرګ دې وي د ايران پاکستان،روس او امريکا او دعربانو په غلامانو

  2. dawud Reply

    د یوه بې ګناه انسان قتلول د ټولې جامعې د قتل سره مساوي دی، نو اې په نوم طالبه! الله پاک ته به څه ځواب ورکوې؟

Leave a Reply

Your email address will not be published. Required fields are marked *