Categories

اعلان

Loading…

د ایران پخوانی ولسمشر علي اکبر رفسنجاني وفات شو

تاند- د ایران د نظام د مصلحت جرګې مشر علي اکبر هاشمی رفسنجاني د ۸۲ کلونو په عمر د زړه د سکتې له کبله وفات شو.

د ځینو په باور هاشمي رفسنجاني له آیت الله خمیني وروسته د ایران په اسلامي جمهوري نظام کې تر ټولو مهم او اغېزشیندونکی شخصیت و.

د زړه له حملې وروسته نوموړی د تهران په شمال کې د تجریش د سیمې روغتون ته ورسول شو خو یو ساعت یې په روغتون کې لا نه و پوره شوی چې سا یې ورکړه.

د ایران د روغتیا وزیر د هاشمي رفسنجاني مړینه اعلان کړه، ویې ویل چې نوموړی د ماښام په اووه نیمې بجې د زړه د درېدو له کبله مړ شو.

رفسنجاني په ۱۳۵۹ لمریز کال د ایران د پارلمان (مجلس) لومړنی رييس، دوه دورې (له ۱۳۶۸ تر ۱۳۷۶ پوري) ولسمشر او په پای کې د نظام د مصلحت پېژندنې د شورا ريیس و.

رفسنجاني د ۱۳۱۳ لمریز کال په سنبله کې د کرمان ولایت په رفسنجان کې زېږېدلی دی.

رفسنجاني له روح الله خمیني او اوسني مذهبي مشر علي خامنه يي سره ډېر نژدې و. خو په وروستۍ لسیزه کې یې له خامنه يي سره اړیکې د پخوا په شان ښې نه وې. تر دې چې په ۱۳۹۲ لمریز کال د ولسمشرۍ د انتخاباتو لپاره د ده کاندیداتوري رد شوه. ده په وروستیو دوو لسیزو کې د اصلاح غوښتونکو ملاتړ کاوه.

ویل کېږي چې د ایران د اسلامي انقلاب موسس آیت الله خمیني د رفسنجاني په غوښتنه له عراق سره اوربند ومانه. او د خمیني پر ځای د ایران د مذهیبي مشر په توګه د علي خامنه يي په ټاکلو کې هم ده اساسي رول ولوباوه.

رفسنجاني ذهین او معتدل سیاستوال ګڼل کېده.

ټاکل شوې ده چې رفسنجاني د سې شنبې په ورځ خاورو ته وسپارل شي.

403 total views, 2 views today

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

استقلال | استاد عبدالله ويديال

دا لیکنه مې د هېواد د استقلال د (۱۰۰) مې کلیزې، یوې نمانځغونډې ته د وینا یوه برخه وه. د…

استقلال | استاد عبدالله ويديال

20 Oct 2019 خپلواکي مقالې تاند No comments

نور

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور
  • 1
  • 2