Categories

اعلان

Loading…

نامعلومو وسله والو په بغلان کې ۷ کان کیندونکي ووژل

تاند- نامعلومو وسله والو نن /جمعه/ په بغلان ولایت کې د سکرو ۷ کان کیندونکي وژلي دي.

دا پېښه د بغلان په تاله او برفک ولسوالي کې شوې چې له بامیان سره پوله لري.

د تاله او برفک ولسوال فیض محمد امیري وايي چې د نامعلومو کسانو په برید کې ۷ کان کیندونکي وژل شوي او ۴ نور ژوبل دي.

ولسوال وايي چې دا برید د داعش غړیو کړی دی ځکه چې وژل شوي کان کیندونکي په خټه شیعه هزاره دي.

تراوسه پوري د داعش په شمول د افغانستان د دولت کومې وسله والې ډلې د دې برید مسوولیت په غاړه نه دی اخیستی.

ویل شوي چې وژل شوي کان کیندونکي د دایکنډي ولسوالي د شهرستان ولسوالي اوسېدونکي وو.

دوی غوښتل چې د بامیان له لارې دیاکنډي ته لاړ شي چې په لاره یې مخه ونیول شوه او په ډله ییز ډول ووژل شول.

55 total views, 1 views today

Leave a Reply

Your email address will not be published. Required fields are marked *