Categories

اعلان

Loading…

په جرمني کې یوه افغان ځان ته اور ورته کړ

تاند- د جرمني پولیس وايي، په بایرن ایالت کې یوه افغان پناه غوښتونکی ځان ته اور ورته کړ.

د پولیسو په وینا دغه ۱۹ کلن افغان نن /دوشنبه/ د نورنبرګ او مونښن ترمنځ په ګایمرشیم ښارګي کې د یوه پلورنځي مخته پر ځان تېل واچول او ځان یې وسوځاوه.

اور د نورو کسانو له لوري ژر مړ شو.

شاهدان وايي چې دغه افغان د پېښې ځای ته نژدې د تېلو له ټانک یا پمپ څخه تېل واخیستل.

دغه کس، چې نوم یې نه دی څرګند کړای شوی، سخت ژوبل شوی او اوس په روغتون کې بستري دی.

تراوسه د ده د ځان سوځولو علت نه دی څرګند شوی. پولیس وايي چې دغه سوځېدلي کس له ځان سره چاړه هم لرله خو کار یې ورڅخه نه دی اخیستی.

265 total views, no views today

Leave a Reply

Your email address will not be published. Required fields are marked *


۸