Categories

اعلان

Loading…

د مخابراتو او معلوماتي ټکنالوژۍ وزیر دنده د فساد په تړاو وځنډول شوه

تاند- د افغانستان حکومت د مخابراتو او معلوماتي ټکنالوژۍ د وزیر دنده د اداري فساد د تور په خاطر وځنډوله.

ارګ وايي، د مخابراتو او معلوماتي تکنالوژۍ د وزیر عبدالرزاق وحدي دنده به تر هغو ځنډول شوې وي چې پلټونکې کمېټه د ده د کار په اړه نتیجې ته رسېږي.

تر دې وړاندې راپورونه ورکړای شوي و چې د مخابراتو او معلوماتي ټکنالوژۍ د وزیر دوسیه څارنوالۍ ته سپارل شوې او کار پرې کوي.

ارګ د ښاغلي واحدي د دوسیې او تورونو په اړه نور څه نه دي ویلي.

د ولسمشر مرستیال ویاند دواخان مینه پال وویل چې ولسمشر امر کړی چې د مالي تورونو په خاطر دې د مخابراتو د وزیر دنده وځنډول شي. ده په خپله فېسبوکپاڼه کې لیکلي« د مخابراتو د وزیردنده، د تحقیقاتو تربشپړیدلو پوري ځنډوله سوې ده.»

راپورونه وايي چې د مخابراتو او معلوماتي ټکنالوژۍ وزیر د فساد په لویو قضیو کې لاس لري.

افغانستان د اداري فساد له نظره په نړۍ کې خورا بد نوم لري.

عام افغانان او نړیواله ټولنه له حکومته غواړي چې د فساد د مخنیوي لپاره جدي ګامونه واخلي او په فساد کې شامل د حکومت مهم چارواکي محاکمه کړي.

په وروستیو کې د افغانستان حکومت څو تنه ټیټ رتبه چارواکي محاکمه کړل خو ډېرو خلکو د لا مهمو فاسدانو د محاکمې غوښتنه وکړه.

75 total views, 2 views today

1 comment

  1. aslam Reply

    دیر شه. دیر شه خو الله د وکری چی نمایشی کار نه وی

Leave a Reply

Your email address will not be published. Required fields are marked *