Categories

اعلان

Loading…

تاجکستان وايي، په خپله خاوره کې د طالبانو د وسلو د ترمیم پر ادعا تحقیق کوي

تاند- د تاجکستان چارواکي وايي، د یوه افغان چارواکي د دې ادعا په اړه څېړنه کوي چې د طالبانو وسلې او هاموې موټرونه د تاجکستان په خاوره کې د روسي انجنیرانو له لوري ترمیم کېږي.

د تاجکستان د پوله ساتو د ادارې ویندوی محمد جان اُلغ خوجه یف نن /دوشنبه/ وویل، دا تورونه بې اساسه دي.

ده په عین حال کې وویل چې د افغان چارواکي د ادعا له جزییاتو خبر نه دی.

ده وویل، د سرحدي ځواکونو اداره د ادعا په اړه څېړنه کوي، د افغان رسنیو د راپورونو په اړه به مطالعه وکړي او د خپلو تحقیقاتو نتیجه به اعلان کړي.

په وروستیو کې د کندوز د پخواني والي محمد عمر صافي له قوله افغان رسنیو وویل چې له افغان امنیتي ځواکونو څخه د طالبانو لاس ته ورغلې وسلې او نقلیه وسایط د ترمیم لپاره تاجکستان ته لېږل کېږي.

د کندوز پخواني والي ادعا کړې چې نقلیه وسایط او وسلې په تاجکستان کې د روسي پوځیانو په اډه کې د روسي انجینیرانو له خوا ترمیم کېږي او بیا بېرته طالبانو ته رالېږل کېږي.

صافي همداراز ادعا کړې چې د طالبانو او روسي پوځیانو ترمنځ دا ډول همکاري له نژدې دوو کلونو راهیسي دوام لري.

شاوخوا ۷ زره روسي پوځیان په تاجکستان کې دېره دي.

په وروستیو میاشتو کې بېلابېلو افغان چارواکو او د ملي شورا غړیو پر هغه څه چې دوی یې له طالبانو سره د روسیې مرسته یادوي، اندېښنه ښکاره کړې ده.

روسیه له طالبانو سره مرسته ردوي خو څو ځلې یې ویلي چې له دې ډلې سره تماسونه لري.

په مسکو کې د روسیې په کوربه توب د دغه هیواد، پاکستان او چین په وروستي کنفرانس کې د ملګروملتو له تور لېسته د طالب مشرانو د نومونو د ایستلو غوښتنه وشوه.

8 total views, 1 views today

Leave a Reply

Your email address will not be published. Required fields are marked *