Categories

اعلان

Loading…

بختيار ساحل د احساس په لمس/ ساحل چینه

لکه ساينس پوهان چې له نورو سيارو يوه موټې خاوره مزکې ته راښکته کړي او بيا تجربې پرې کوي چې دغه سياره به اکسيجن لري که نه يې لري او د ژوند څه امکان به پکې وي او که نه به وي پکې هم دغه شان د يو شاعر شعر هم وي

د فکر احساس او هنر ستر وجود کله په ژبه کې ځاييږي . د يو شاعر ټول کلام چې راغونډ کړې نو هم دغسې د بلې سيارې د يوې موټې خاورې په حساب د لوستونکي مخې ته پروت وي .

چې رښتيا ووايم نو ماته خپله شعر ليکل اسان وي او د چا په شعر خبره کول راته په دې هم ګران وي چې د بل وجود په څرمنه کې پټه دنيا د علامتونو او استعارو په لمس محسوسول او بيا نورو پورې دغه احساس رسول علم او هنر نه دى چې سړى يې له استادانو او کتابونو زدکړي .

د بختيار ساحل يو کتاب شاعري مې مخې ته پرته ده او نه پوهېږم چې د احساس او فکر غوټې يې په کوم منطق وسپړم .

سکروټې درنه نه غواړم ايره دې ماته راکړه

جانانه د وجود يوه زره دې ماته راکړه

سکروټې چې تر که ايره شوي نه وي تر هغه يې د امکان لمنه نيولي وي او کمال ته نه وي رسيدلي جانان نه د خپل وجود يوه ذره غوښتل او بيا ذره يې هم د سکروټې ذره نه د ايرې ذره غوښتل په ظاهره ښايي چې شاعر بې ارزښته او کم قيمته يو څه له جانانه غواړي مګر داسې نه ده د جانان وجود چې په اور اخته وي د مينې په اور د عرفان په اور يا د هرې معنی په اور هغه وخت لا کمال ته نه وي رسيدلي او شاعر يې نه غواړي هله يې غواړي چې وجود يې ايره شي . اور کې چې څومره زور وي هغه پرې تمام شي . اور چې څه ترې سازولى شي هغه ترې ساز کړي او د اور له ډاره ازاد شي خپل رنګ او شکل او کړه وړه هر څه اور ته وسپاري او تش جوهر پاتې شي هغه جوهر چې اور يې نور هيڅ نشي کولى . د اور توان او طاقت ته چې ماتې ورکړي نو بيا ورته شاعر وايي چې يوه ذره ترې ماته هم راکړه . د جانان د وجود يوه ذره بيا ځان له د فکر او عرفان يوه ستره نړۍ ده او د اور علامت د ايرې علامت او د جانان ټکى دغسې يو معنوي مثلث د لوستونکي په فکر او احساس کې ساز کړي چې يو کتاب خبرې پرې وليکم هم يې نشم تشريح کولى .

د بختيار ساحل نور شعرونه تاسو خپله ولولئ که ما يې دغسې په يو يو شعر درته خبرې پيل کړې نو ګرانه به شي . زما په نظر فيصله تشه هم پوه کول وي هغه دا چې فلانى شاعر دى او که نه دى . نور بيا د يو شاعر په تله بل شاعر ناپول او شاعران خپلو کې سره په غېږو ور وستل ماته غير شاعرانه کار ښکاري چې يو نقاد به يې کولى شي مګر زما غوندې د يو شاعر د وس کار نه دى .

زه نه وايم چې ساحل فلاني نه ښه شاعر دى او فلانى بيا تر ساحله ډېر ښه دى .

هر شاعر ځان له يو جهان لري او د ساحل جهان په کاغذ ليکلى دغه شعر دى چې د کتاب په شکل کې اوس زما مخې ته پروت دى او ډېر زر به يې ستاسو د سترګو تور د خپل احساس په لمس محسوس کړي .

ساحله په راتلونکي کې دې د زړه سترګې لا روښانه او د فکر نړۍ لا ودانه غواړم .

شاه سعود

282 total views, 2 views today

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د اسد د ٢٨مې جشن کمرنګه دى

 نن د اسد اته ویشتمه د بریتانیا د وخت له امپراطورۍ څخه  د افغانستان د خپلواکۍ د بیرته لاسته راوړلو…

د اسد د ٢٨مې جشن کمرنګه دى

19 Aug 2013 خبرونه خپلواکي Taand.Com Comments (4)

نور

د اسد د میاشتی ۲۸ د افغانستان د آزادی ورځ/…

نن د چهار شنبی ورځ د اسد د میاشتی ۲۸ نیټه ذه. دا هغه ورځ ده چې ۹۶ کاله پخوا په…

د اسد د میاشتی ۲۸ د افغانستان د آزادی ورځ/ محمد اجمل زرمتی

19 Aug 2015 خپلواکي مقالې تاند No comments

نور

خپلواکي/ ليکوال : محب الله آرمل

د زمري اته ويشتمه د افغانستان د خپلواکۍ ورځ ده، له نن نه ۹۶ کاله وړاندې په ۱۲۹۸ لمريز کال…

خپلواکي/ ليکوال : محب الله آرمل

19 Aug 2015 خپلواکي مقالې تاند No comments

نور

د اسد (۲۸) مه د افغانانو د ازادۍ ورځ

استاد لطيف الله حميد - ((د اسد پر (۲۶)مه نېټه د شپې پر اتو بجو د ژوندون ټلوېزيون په انګړ کې…

د اسد (۲۸) مه د افغانانو د ازادۍ ورځ

19 Aug 2015 خپلواکي مقالې تاند No comments

نور

افغانستان ولمانځو که خپلواکي؟ د اکمل داوي

 دا اوونۍ ګڼو افغانانو له انګریز ښکیلاک نه د افغانستان د خپلواکۍ د اعلان ۹۶ کلیزه په خورا شور ونمانځله.…

افغانستان ولمانځو که خپلواکي؟ د اکمل داوي

20 Aug 2015 خپلواکي مقالې تاند No comments

نور

موږ او خپلواکي/څېړنوال عبدالغفور لېوال

له شاه زمانه تر دې زمانه، موږ نه خپلواک وو او نه بشپړ ښکېل. له شاه زمانه تر دې زمانه، موږ…

موږ او خپلواکي/څېړنوال عبدالغفور لېوال

24 Aug 2016 خپلواکي مقالې تاند No comments

نور

خپلواکي څه ده؟/څېړنوال عبدالغفور لېوال

خپلواکي له کلي مفهومه تر جزیاتو لږ ترلږه دغه څلور معادل مفاهیم په انګریزۍ کې شته : استقلال ، خود ارادیت ،…

خپلواکي څه ده؟/څېړنوال عبدالغفور لېوال

26 Aug 2016 بدلون خپلواکي تاند Comments (2)

نور

شاه غازي امان الله خان او د افغانستان خپلواکي | ګل…

امان الله خان په ۱۸۹۲ م كال د کابل په پغمان كې زېږېدلى، د امیر حبیب الله خان زوی، د امیر…

شاه غازي امان الله خان او د افغانستان خپلواکي | ګل محمد پښتون

18 Aug 2017 خپلواکي مقالې تاند Comments (2)

نور
  • 1
  • 2