Categories

اعلان

Loading…

جرمني وايي، سږ کال ۵۵ زره پناه غوښتونکي له دغه هیواده په خپله خوښه بېرته تللي

تاند- جرمني وايي چې سږ کال له دغه هیواده دومره پناه غوښتونکي په خپله خوښه بېرته تللي چې تر دې پخوا یې ساری نه و لیدل شوی.

د جرمني د زود دویچې څایتونګ ورځپاڼې د راپور له مخې، سږ کال (۲۰۱۶) له جرمني څخه ۵۵ زره کډوال په خپله خوښه له دې هیواده وتلي او دا د هغو کسانو دوه برابره دی چې جرمني له خپلې خاورې ایستلي دي.

د دویچې څایتونګ ورځپاڼې د راپور پر اساس، د جرمني د مهاجرت او پناه غوښتنې اداره وايي، دا کسان د روان ۲۰۱۶ کال له جنورۍ د نوومبر تر میاشتې پوري له جرمني څخه په خپله خوښه وتلي دي.

تر ټولو ډېر پناه غوښتونکي د بالکان د سیمې هیوادونو ته بېرته ستانه شوي دي.

د بالکان په سیمه کې تر نورو البانیایان زیات خپل هیواد ته ګرځېدلي دي. د ټولو ۵۵ زره بېرته ستنو شویو په سلو کې ۱۵ البانیاوال دي چې له جرمني بېرته خپل هیواد ته تللي دي.

ورپسې سربان، عراقیان او کاسوو- وال زیات خپلو هیوادونو ته ګرځېدلي دي.

تېر کال ۸ لکه ۹۰ زره تنو جرمني ته پناه یووړه.

د جرمني حکومت په روان کال کې ۲۵ زره کډوال له خپلې خاورې ایستلي دي او اعلان یې کړی چې د لوېدیځ بالکان هیوادونو اتباعو ته په هیڅ صورت په خپله خاوره کې د هستوګنې اجازه نه ورکوي.

جرمني همداراز ویلي چې عراق، ایران او افغانستان ته هم په خپله خوښه د بېرته ستنېدونکو شمېر مخ په زیاتېدو دی.

په وروستیو کې یو شمېر افغانان له جرمني څخه کابل ته واستول شول خو اکثرو ویل چې په زوره ایستل شوي دي.

د جرمني د مهاجرت د ادارې د معلوماتو له مخې سږ کال افغانستان ته ۳۲۰۰ تنه افغانان بېرته ستانه شوي چې دا د تېر کال د بېرته ګرځول شویو افغانانو ۱۰ برابره دی.

د سږ کال له جنورۍ څخه تر اکتوبر پوري په جرمني کې د ټولو پناه غوښتونکو په سلو کې ۳۸ سوریه وال، ۱۸ افغانان او عراقیان ۱۳ اعشاریه ۵ جوړوي.

9 total views, 1 views today

Leave a Reply

Your email address will not be published. Required fields are marked *