Categories

اعلان

Loading…

کرزی وايي، افغانان به هیڅکله ډیورند کرښه د پولې په توګه په رسمیت ونه پېژني

تاند- د افغانستان پخوانی ولسمشر حامد کرزی وايي، افغانستان به هیڅکله ډیورند کرښه په رسمیت ونه پېژني.

ښاغلي کرزي دا خبره نن /یکشنبه/ د نوي افغانستان د مطالعاتي او څېړنیز مرکز پرانستونکې غونډې ته په وینا کې وکړه.

کرزي وویل، ډیورند کرښه، چې د پردیو له لوري تپل شوې، د دوو هیوادونو ترمنځ له ډېرو کلونو راهیسي لانجمنه ده.

ده وویل، دا کرښه افغانان په رسمیت نه پېژني ځکه چې انګرېزانو کښلې ده.

ده په عین حال کې وویل چې د ډیورند کرښې د مسلې یادول له پاکستان سره د دښمنۍ په معنا نه ده.

کرزي د ولسمشرۍ په دوره کې دولتي ادارو ته امر کړی و چې د افغانستان او پاکستان ترمنځ کرښه پوله ونه بولي بلکې د ډیورند فرضي کرښه یې وبولي.

کرزي د سږ کال په جون میاشت کې په یوه مرکه کې وویل«په ۱۹۴۷ م کال پاکستان جوړ شو او دوی ته ډیورند کرښه په همدې بڼه په لاس ورغله، نو موږ په دې خاطر پاکستان د ډیورند کرښې له کبله نه ملامتوو خو ډیورند یو لوی ګوزار دی چې افغانان یې نه شي هېرولی. موږ ډیورند د پولې په توګه په رسمیت نه پېژنو خو د دې مسلې پر سر جنګ هم نه کوو.»

ښاغلي کرزي نن وویل چې افغانانو د ډیورند د کرښې او خپلو اوبو له کبله ډېر تاوانونه لیدلي دي.

629 total views, no views today

Leave a Reply

Your email address will not be published. Required fields are marked *

۸