Categories

اعلان

Loading…

د بریتانیا دفاع وزیر: ۱۰۰۰ افغان ترجمانان او نور کارکوونکي مو بریتانیا ته راوستي

تاند- د بریتانیا دفاع وزیر وايي، شاوخوا ۱۰۰۰ تنه افغانانو، چې په افغانستان کې یې له بریتانیايی پوځیانو سره کار کاوه، اوس په بریتانیا کې دي.

مایک پینینګ د سې شنبې په ورځ وویل، بریتانیا د افغانستان د شخړې په لړ کې د دغو افغانانو د خدمت پوروړې ده او باید چې له خطر او ګواښه یې ساتلي وای.

د بریتانیا پر حکومت پخوا په افغانستان کې خپلو پخوانیو افغان کارکوونکو او ترجمانانو ته د نه پاملرنې په خاطر انتقادونه شوي وو.

خو د دغه هیواد دفاع وزیر پارلمان ته په یوه لیک کې د خپل وزارت هڅې وستایلې:

«بریتانیا په افغانستان کې د خپلو اوسنیو او پخوانیو کارکوونکو ملاتړ ته ژمنه ده.

دوی د لا سوکال، خوندي او امن افغانستان لپاره زموږ په هلوځلو کې حیاتي رول ولوباوه.»

ښاغلي پینینګ په خپل لیک کې همداراز ویلي، ۱۳۰ کارکوونکي او د هغوی د کورنۍ نژدې غړي په تېرو ۱۲ میاشتو کې بریتانیا ته رالېږدول شوي دي.

ده همداراز ویلي چې په مجموع کې۳۵۰ پخواني کارکوونکي دي او که د هغوی د کورنۍ غړي ورسره وشمېرل شي تر ۹۰۰ زیات دي.

د پینینګ په وینا د راتلونکي کال تر پایه به شاوخوا ۱۰۰افغان کارکوونکي بریتانیا ته راوستل شي.

12 total views, 2 views today

Leave a Reply

Your email address will not be published. Required fields are marked *