Categories

اعلان

Loading…

څلور ویتنامي قاچاقبرو ته د بند سزا واورول شوه

خبریال: احمد رشاد ؛  

د ویتنام یوې محکمې خپل څلور وګړي اسټرالیا ته د انسانانو د قاچاق په جرم، د بند په سزا محکوم کړل.

د سټار انلاین ویبپاڼې په حواله، دوی په بیړۍ کې خلک بار کړي وو چې د اسټرالیا د سمندري ځواکونو لخوا یې مخه ونیول شوه او بیرته را وشړل شول.

دغه کسان چې  په جون میاشت کې راشړل شوي وو، تیره سه شنبه د با ریا وونګ ټاو (Ba Ria-Vung Tau) په ولایت کې محاکمه شول.

د سرچینې په حواله، له یادو شویو کسانو څخه نُویَن جیوو ټونګ ( Nguyen Giao Thong) ،چې د خپلې ډلې سرلښکر و، په درې کاله او شپږ میاشتې بند او نُویَن ټوان کیټ ( Nguyen Tuan Kiet ) په دوه کاله او شپږ میاشتې بند محکوم شول.

همدارنګه د دې ډلې دوه نورو کسانو ته د (۱۸) میاشتې بند سزا اورول شوې ده.

 له دغو محکومینو  سره هغه (۲۱) کسان هم را شړل شوي چې د دوی په لاس  قاچاق کیدل؛ خو هغوی ته کومه سزا نه ده اورول شوې.

د انساني قاچاقبرو د دغې څلور کسیزې ډلې مشر اوه ویشت کلن نُویَن جیوو ټونګ په ( ۲۰۱۳) کال کې اسټرالیا ته تللی و. هغه له بیرته راتګ وروسته له خپلو درېیوو نورو ملګرو سره ، چې د محکمې لخوا په بند محکوم شوي، په انساني قاچاق لاس پورې کړ.

 دې ډلې د می په ۱۸ مه ، له قاچاقي کډوالو ډکه بیړۍ د اسټرالیا په لور وخوځوله چې شل ورځې وروسته د اسټرالیا اوبو ته داخل شوه.

خو څرنګه چې اسټرالیا له خپلو سمندري پولو ټینګه څارنه کوي او د دغو پولو د څارنې او خوندیتوب په موخه ځانګړي عملیات پرته له وقفې په ټول شدت روان دي، نو د قاچاقچیانو بیړۍ په نښه شوه او ونیول شوه.

د قاچاقبرو دغه څلور کسیزه ډله وروسته له هغې محاکمه شوه چې اسټرالیا له ویتنام سره یو تړون لاسلیک کړ. د دغه تړون له مخې به هغه ټول ویتنامیان له اسټرالیا را وشړل شي چې هلته ناقانونه اوسیږي.

اسټرالیا ته د جګړو او  زور زیاتي له ویرې د پاکستان، ایران، افغانستان، ویتنام… او منځني ختیځ اوسیدونکي د ورتګ هڅې کوي، خو اسټرالیا هیڅ ناقانونه وګړی په خپل هیواد کې نه پریږدي؛ یا یې بیرته راشړي او یا یې په ټاپو ګانو کې پرتو توقیف خونو ته استوي.

د بشري حقونو ډلې د کډوالو په اړه د اسټرالیا په سختو کړنلارو نیوکې کوي؛ خو اسټرالیا له خپلې کړنلارې ننګه کوي او وايي چې په دې توګه یې د انساني قاچاق مخه ډب کړې او هم یې  په سمندر کې د خلکو له ډوبیدو مخه نیولې ده.

اسټرالیا په اوبو کې ایساره لویه وچه ده. هغه کسان چې غواړي په ناقانونه توګه دې هیواد ته لاړ شي نو مجبور دي چې د بیړیو له لارې خپل مزل پیل کړي.

د شمیرو له مخې، له  (۲۰۱۵) کال راهیسې اسټرالیا ( ۱۱۳) ویتنامیان ،چې بیړیو کې دغه هیواد ته تللي وو،  نیولي او بیرته یې را شړلي دي.

  په سویل ختیځه اسیا کې پروت ویتنام څخه د کډوالۍ لړۍ د اوږدې خونړۍ جګړې له پیل سره سم شروع شوې ده او دا مهال په اسټرالیا کې له (۲۳۰۰۰۰) څه ډیر ویتنامیان  اوسیږي.  دغه جګړه چې د (۱۹۵۵) کال د نومبر په لومړۍ پیل شوه، د (۱۹۷۵) کال د اپریل په دیرشمه پای ته ورسیده. جګړه د شمالي ویتنام او سویلي ویتنام تر منځ وه.

د شمالي ویتنام په ملاتړ کې د کمونیستي ائتلاف غړي؛د وخت شوروي اتحاد، شمالي کوریا او چین ولاړ و او د سویلي ویتنام په ملاتړ کې امریکا، جنوبي کوریا، اسټرالیا، ټایلنډ، نیوزیلانډ او فلپین ولاړ و چې په پای کې سوبه د شمالي ویتنام په برخه شوه.

د ځینو شمیرنو له مخې په دغه جګړه کې له یو میلیون ډیر وګړي ووژل شول او د ویتنام دواړه برخې په پراخه کچه ویجاړې شوې.

227 total views, 1 views today

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور

فرخنده باد صدمین سالگرد استرداد استقلال افغانستان

استاد عارف نظر صدسال پیش از امروز مردم آزاده افغانستان، ثمره جانبازی ها، قهرمانی ها و مبارزات استقلال طلبانه فرزندان خویش…

فرخنده باد صدمین سالگرد استرداد استقلال افغانستان

20 Aug 2019 خپلواکي مقالات دری تاند No comments

نور

د غازي امان الله خان سل ارمانونه

1.        افغانستان منظم مالیاتي سیستم ولري 2.      افغانستان قوی مالي نطام ولري 3.      افغانستان خپلې پیسې ولري 4.      افغانستان خپل تولیدات ولري 5.      افغانستان خپله بريښنا ولري 6.      افغانستان توکي ټولې…

د غازي امان الله خان سل ارمانونه

19 Aug 2019 خپلواکي مقالې تاند No comments

نور

 بیست و هشت اسد؛ روز استقلال کشور! | توفیق عظیمی

بیست و هشتم اسد، حماسه یک روز، افتخار جاویدان، روز استرداد استقلال کشور است، که از آن ۱۰۰ سال میگذرد. در بیست و…

 بیست و هشت اسد؛ روز استقلال کشور! | توفیق عظیمی

19 Aug 2019 خپلواکي مقالات دری مقالې تاند No comments

نور

د خپلواکۍ فکر | معروف افغان

ازادي او خپلواکي، دوه جلا مفاهیم افاده کوي او لازمه ده چې جلا جلا چلندونه ورسره وشي. د ازادۍ په…

د خپلواکۍ فکر | معروف افغان

18 Aug 2019 خپلواکي مقالې تاند No comments

نور

بلخي نجلۍ او ځوان د خپلواکۍ په ورځ په اماني…

تاند، دوشنبه د اسد ۲۸مه: په بلخ کې یوې ناوې او زوم د خپلواکۍ د سلمې کلیزې له ورځې سره…

بلخي نجلۍ او ځوان د خپلواکۍ په ورځ په اماني کالیو کې واده وکړ

19 Aug 2019 خبرونه خپلواکي م. عاصم خوږیاڼی Comments (1)

نور

طالبانو بغلان کې د خپلواکۍ سلمه کلیزه نمانځلې ده

تاند، دوشنبه، د اسد ۲۸مه: طالب ویاند ذبیح الله مجاهد وایي، جنګیالیو یې نن تر خپلې ولکې لاندې ځینو سیمو…

طالبانو بغلان کې د خپلواکۍ سلمه کلیزه نمانځلې ده

19 Aug 2019 خبرونه خپلواکي م. عاصم خوږیاڼی Comments (1)

نور

د خپلواکۍ لمانځل څه ګټه لري؟

لیکنه: نورالله غازي هیوادونه د خپلواکۍ په لمانځلو سره خپلو خلکو ته بیا بیا وریادول غواړي چې دا هیواد داسې په…

د خپلواکۍ لمانځل څه ګټه لري؟

19 Aug 2019 خپلواکي مقالې تاند No comments

نور

غازي امان الله خان ته | ګل آغا احمدي وردګ

رښتیا هم چې تا سل کاله مخکې په نره توره د افغانستان آزادي له اشغالګرو انګرېزانو څخه بېرته واخیسته او…

غازي امان الله خان ته | ګل آغا احمدي وردګ

19 Aug 2019 خپلواکي مقالې تاند No comments

نور

د افغانستان د خپلواکۍ ستونزمن مزل

لیکنه: محمد نور الهام افغانان د ۲۰۱۹ کال د آګسټ په ۱۹مه چې د ۱۳۹۸ ل ل د زمري له ۲۸مې…

د افغانستان د خپلواکۍ ستونزمن مزل

19 Aug 2019 خپلواکي مقالې تاند No comments

نور
  • 1
  • 2