Categories

اعلان

Loading…

د جرمني په مرکز برلېن کې ترهګریزه حمله، ګڼ کسان مړه او ټپیان

تاند – د جرمني د پلازمېنې برلېن په یوه مارکېټ کې په یوه حمله کې ۹ کسان وژل شوي او ګڼ نور ژوبل دي.

پولیسو دغه پېښه ترهګریزه حمله بللې ده او ویلي یې دي چې د ټپیانو شمېر یې لسګونو کسانو ته رسېږي.

ویل کیږي چې په حمله کې، چې د مااشختون په ۸ بجې وشوه، له یوې لارۍ څخه کار اخیستل شوی دی چې په خلکو ورخېژول شوې ده.

تر دې مخکې، ترهګرو په فرانسه کې هم د خلکو په ګڼه ګوڼه لارۍ ورخېژولې وه چې د ۳۰ مسلمانانو په شمول ګڼ شمېر سیلانیان یې وژلي ول.

دا برید د فرانسې د نیس ښار د سږ کال د اګست حملې ته ورته بلل شوی چې ۸۶ تنه پکې ووژل شول او د اسلامي دولت یا داعش ډلې یې مسوولیت په غاړه واخیست.

73 total views, 2 views today

Leave a Reply

Your email address will not be published. Required fields are marked *