Categories

اعلان

Loading…

عطا محمد نور وايي، له ولسمشر سره د موافقې پر اساس د بلخ ولایت پرېږدي

تاند- د جمعیت ګوند اجرايي رييس او د بلخ سرپرست والي عطا محمد نور وايي، له ولسمشر سره یې د وروستیو کتنو او خبرو په نتیجه کې پرېکړه کړې چې د بلخ ولایت له سرپرستۍ تېر شي.

ده همداراز وویل چې ولسمشر غني ورسره موافقه کړې چې د اسلامی جمعیت ګوند مشران به د هیواد په سترو سیاسي فیصلو کې برخه اخلي.

د اجرايي رييس عبدالله عبدالله او بهرنیو چارو وزیر صلاح الدین رباني په شمول د اسلامي جمعیت ګوند اکثره مشران په حکومت کې تر ټولو لوړې او کلیدي چوکۍ په لاس کې لري.

نور وویل، د بلخ ولایت به پرېږدي او ټاکل شوې ده چې د ولسمشر او د جمعیت ګوند د مشرانو ترمنځ ژر یو تفاهملیک امضا شي.

ده د بلخ له ولایته د لاس اخیستو په اړه وویل«ډېر وخت په بلخ کې والي وم، طبیعي هم ده چې باید نورو ته لار پرانیزم څو نور هم د بلخ د والي په توګه کار وکړي.»

ده دا هم وویل «په وروستیو کې مې له ولسمشر سره څو ځلي خبرې وکړې او بالاخره یوې موافقې ته ورسېدو او پر یوه مسوده مو کار کړی، وروسته د اسلامي جمعیت ګوند له مشرانو او متحدانو سره، چې د مسودې لاسلیکولو ته لېواله ول، مشورې وکړې، څه چې باید اصلاح شي هغه به اصلاح شي او کنې موافقه باید عملي شي.»

ښاغلي نور له جمعیت څخه د ولسمشر تر ټولو مهمه غوښتنه د سولې ملاتړ وباله، ویې ویل چې ده ورته ویلي«موږ د سولې د بهیر ملاتړ کوو؛ د حکومت د بهرنۍ پالیسۍ ملاتړ کوو، د سولې په ټینګېدو کې له خپلو ټول وسه او ظرفیته کار اخلو، د نظام دفاع کوو.»

په همدې حال کې د اجرايي ريیس یوه نژدې سلاکار له ډېرې مودې چوپتیا وروسته نن یو وار بیا د ولسمشر او اجرايي رييس ترمنځ د اختلافاتو خبره یاده کړه.

سید حسین فضل سنچارکي وویل، د ولسمشر او اجرايي رذييس ترمنځ اختلاف په دې دی چې د اجرايي ريیس صلاحیتونه څرګند نه دي.

329 total views, 2 views today

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2