Categories

اعلان

Loading…

په افغانستان کې د اوباما د پالیسۍ منتقده د ټرمپ مطبوعاتي مشره وګومارل شوه

تاند- د اوباما پخوانۍ ویانده کاترینا پیرسن، چې د افغانستان په خاطر یې د اوباما او هیلري کلنټن تګلارې غندلې وې، د منتخب ولسمشر ټرمپ له لوري د نوي حکومت د مطبوعاتي دفتر مشره وټاکل شوه.

اغلې پیرسن د ټرمپ د انتخاباتي کمپاین د ویاندې په توګه له سي این این سره په یوه مرکه کې ویلي و چې اوباما او هیلري کلنټن په افغانستان کې د یاغیانو مالي او پوځي ملاتړ کړی دی.

د دې منظور له طالبانو سره د امریکا د حکومت پټ ملاتړ و.

د کاترینا پیرسن دا ادعا په امریکا کې له سخت غبرګون سره مخامخ شوه او وروسته دې هڅه وکړه چې خپله خبره توجیه کړي.

تراوسه پوري د منتخب ولسمشر ترمپ له لوري اکثره ګومارل شوي کسان په یو نه یو ډول د افغانستان له جګړې سره تړاو لري.

تر دې وړاندې منتخب ولسمشر دونالد ټرمپ متقاعد جنرال جېمز ماتیس د دفاع وزیر ونوماوه.

ماتیس له اوباما سره د افغانستان او عراق د مسلو پر سر اختلاف درلود.

نوموړی په افغانستان کې د امریکايي پوځیانو د شمېر د ډېرولو ملاتړ کوي.

47 total views, 1 views today

Leave a Reply

Your email address will not be published. Required fields are marked *