Categories

اعلان

Loading…

افغان سفیرې د ناروې له حکومته وغوښتل چې د افغان پناه غوښتونکو بېرته لېږل ودروي

تاند- په ناروې کې د افغانستان سفیرې شکریې بارکزۍ د دغه هیواد له حکومته وغوښتل چې په پراخ شمېر د افغانانو ایستل ودروي.

د ناروې افتین پوسټ ورځپاڼې په پرونۍ ګڼه کې په اوسلو کې د افغانستان د سفیرې شکریې بارکزۍ له قوله وویل چې دا د پناه غوښتونکو د بېرته لېږلو لپاره تر ټولو خراب وخت دی.

مېرمن بارکزۍ دا څرګندونې وروسته له دې وکړې چې د ناروې د مهاجرت او ادغام وزیر سیلیفي لیستاوګ په ټولنیزه شبکه کې له ناروې څخه د افغان پناه غوښتونکو د ایستلو خبره وکړه.

د افغانستان سفیرې خبرداری ورکړ چې په اوسني وخت کې د افغانانو بېرته لېږل به په افغانستان کې د انساني ناورین سبب شي.

«موږ ته همدا اوس له ګاونډي پاکستان او ایران څخه د مهاجرو سېلونه راروان دي. ټول هغه هیوادونه، چې افغان مهاجرو پکې اوسي، باید هغه ستونزې چې موږ یې اوس لرو، درک کړي.»

په ناروې کې د سږ کال له جنورۍ څخه تر اکتوبر میاشت پوري ۲ زره ۳۲۳ افغان پناه غوښتونکي رد شوي او تېره میاشت ۷۴۳ افغانان له ناروې څخه واستول شول.

دا په داسي حال کې ده چې سږ کال افغانستان ته له دوو ګاونډیو هیوادونو په تېره بیا پاکستان څخه نژدې یو ملیون کډوال بېرته ستانه شوي او پر دې سربېره شاوخوا ۱۳ لکه نور افغانان په خپل هیواد کې دننه بې ځایه شوي دي.

په ناورې کې د افغانستان سفیرې د دغه هیواد له پولیسو او د مهاجرت د ادارې له چارواکو سره د افغان مهاجرو د ایستلو بر موضوع د خبرو او تفاهم غوښتنه وکړه.

د ناروې حکومت ویلي چې د افغان مهاجرو د بېرته ستنولو په اړه په ۲۰۰۵ م کال د ملګروملتو او د افغانستان او ناروې د حکومتونو په درې اړخیزه غونډه کې موافقه شوې وه او وروسته په ۲۰۱۱ م کال پر دې موضوع بیا د درو خواوو ترمنځ خبرې وشوې.

590 total views, 1 views today

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2