Categories

اعلان

Loading…

زړه/ اجمل پسرلی

د شرابو وړه پیاله یې پر سر واړوله. تندی یې تریو شو. سر ته یې ټکان ورکړ، چاغې غومبرې یې وخوځیدې:

-په میدان کې مې ولیده ورته کتل مې، کتل مې، سترګې یې همهغسې زرغونې وې

-یو شپږ کاله خو به شوي وي

ده تشه پياله د رستورانت ګارسونې ته جګه ونیوله چې نور شراب ورته راوړي:

– سترګې یې لویدلې وې او له رنګه هم لږ سپیره مه شه سپیره ښکاریده

ما ورته وخندل:

-لکه چې ګنګس شوې، زه د وخت پوښتنه کوم

ګارسونې پیاله د ده مخې ته کیښوده. ده د پیالې بیخ ته وکتل:

-جرات مې وکړ ورمخته شوم او ورته ومې ویل ته ( مونیکا) نه یې چې په لادسپیکر کې اعلان وشو چې توکیو ته ۱۳۱۳ الوتکه الوتو ته چمتو ده

-نو خبرې مو سره ونه شوې؟

-دوه ساعته سره وغږیدو خو وخت لکه د سترګو په رپ کې چې تیریږي تیر شو

– اوس دې هم د پخوا غوندې خوښه شوه

– پنځه کاله هیڅ عمر نه دی خو دا ډيره بدله شوې

-نو اوس دې مینه پرې رانغله

پیاله یې کلکه پرمیز کیښوده:

-ارمان مې شو چې کاشکي په یوې خوا تلی دا توکیو ته تله زه لندن ته راغلم.

پای

67 total views, 2 views today

Leave a Reply

Your email address will not be published. Required fields are marked *