Categories

اعلان

Loading…

روسیې او طالبانو په خپل منځ کې تماسونه تایید کړل

تاند- طالبانو او روسیې تایید کړه چې له یو بل سره له کلونو راهیسي نژدې اړیکې لري.

په کابل کې د روسیې سفیر الکساندر مانتیڅکي نن /شنبه/ د افغانستان د مشرانو جرګې د نړیوالو اړیکو کمیسیون ته وویل چې هیواد یې د روسي اتباعو د خوندیتوب لپاره له طالبانو سره اړیکې ټینګې کړي دي.

خو سفیر په عین حال کې وویل چې طالبانو ته یې نه پیسې ورکړي او نه وسله.

په همدې حال کې رویټرز خبري اژانس ته طالبانو ویلي چې دوی له ۲۰۰۷ م کال څخه له روسیې سره ښې او نژدې اړیکي لري.

طالبانو دا خبره وروسته له دې وکړه چې د افغانستان لپاره د روسیې خاص استازي په یوه مرکه کې له طالبانو سره تماسونه تایید کړل.

د طالبانو یوه قوماندان رویټرز ته ویلي چې دوی بې له کوم مشکله له روسیې سره تماسونه جاري ساتلي دي.

ده دا هم ویلي چې له روسیې سره د طالبانو اړیکې له داعش سره ارتباط نه لري ځکه چې د داعش تر رامنځته کېدو کلونه وړاندې دواړو خواوو له یو بل سره تماسونه لرل.

له بلې خوا د بریتانیا ایکسپریس ورځپاڼې ته د طالبانو یوه مشر ویلي چې په افغانستان کې د امریکا په وړاندې روسیې او طالبانو په خپل منځ کې لاسونه سره ورکړي دي.

دغه طالب مشر، چې نوم یې نه دی ښودل شوی، ویلي چې طالبان او روسیه په ګډه هڅه کوي چې امریکا او لوېدیځ ځواکونه له افغانستانه وباسي.

خو په کابل کې د روسیې سفیر ویلي چې له طالبانو سره یې تماسونه د دې لپاره هم ټینګ کړي چې دا ډله د سولې خبرو ته تشویق کړي.

298 total views, 1 views today

2 comments

  1. اسلم Reply

    یو ځل په افغانستان کې د امریکا په مرسته د روسان په ضد جګړه روانه وه اوس د روسانو په مرسته د امریکا په ضد جګړه ده

    الله دی موږ افغانانو ته هدایت وکړی چې د پردیو لپاره جګړې کوو

  2. محمدربی آماج Reply

    طالبان همدطالبانودغوا په څیردی ،چی هر څوک ورته نیږدی شی دوی بیا جینګي داړي ورته ونیولی وی.

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2