Categories

اعلان

Loading…

پوهنې وزارت د خیالي مکتبونو، ښوونکو او زده کوونکو شتون رد کړ

فضل الحق طاهرزی
د پوهنې وزارت د عمومي تعلیماتو مرستیال له اریانا نیوز سره په تازه مرکه کې ویلي چې پوهنې وزارت، د امریکا متحده ایالاتو نړیوالې پراختیایي ادارې او کلیو او پراختیا وزارت درې لویې څېړنې وکړې چې په ترڅ کې یې د خیالي ښوونځیو او ښوونکو په اړه هېڅ ډول شواهد پیدا نه شول.
وروسته له هغې چې له افغانستان سره د امریکا  د مرستو لپاره څېړونکې ادارې (سیګار) د افغانستان له پوهنې وزارت سره د امریکا د ۷۵۰ میلیونه ډالرو مرستې د ناسم لګښت او په افغانستان کې د خیالي ښوونځیو، ښوونکو او زده کوونکو په تړاو څرګندونې وکړې؛ پوهنې وزارت په دې تړاو  د څېړنو خبر ورکړ چې په پایله کې یې هېڅ ډول خیالي ښوونځي او زده کوونکي نه دي پیدا شوي.
د پوهنې وزارت د عمومي تعلیماتو مرستیال محمد ابراهیم شینواري له اریانا نیوز سره ویلي: ((موږ د سیګار راپور هم ولوست او ځینې شکونه هم وو چې خیالي ښوونځي یا ښوونکي شته. سږ کال مو یوه لویه او هر اړخیزه څېړنه وکړه. په دغه څېړنه کې هېڅ ډول خیالي ښوونځی، ښوونکی او زده کوونکی پیدا نه شول. یو اېس آی ډي هم د یوې خپلواکې ادارې له لوري څېړنه وکړه چې د هغوی په معلوماتو کې هم دې ته ورته څه نه دي پیدا شوي.))
د پوهنې وزارت دغه چارواکی چې د پوهنې وزارت لپاره له ۲۰۱۷ تر ۲۰۲۱ کال پورې د مرستو جلبولو په موخه امریکا ته تللی، وایي چې ښایي په ناامنو سیمو کې د غیر فعالو او تړلیو ښوونځیو په اړه ناسم پوهاوی شوی وي او خیالي بلل شوي وي.
د پوهنې وزارت د عمومي تعلیماتو مرستیال محمد ابراهیم شینوار ی وایي: ((ښایي یو سوءتفاهم وي چې ځینې ښوونځي د ناامنیو له کبله تړلي وي، مګر هغه خیالي ښوونځي نه دي، سبا ته که امنیت شي، بېرته فعالېږي.))
د پوهنې وزارت دغه چارواکی وایی، د پوهنې وزارت ټولو ریاستونو ته یې سپارښتنه کړې ده، هغه کډوال چې افغانستان ته راغلي، که سند لري یا نه، په ښوونځي کې یې شامل کړئ.)) 
نوموړي ناامنۍ، د ظرفیت ټیټوالی او د کیفیت ټیټوالی د افغانستان د پوهنې پر وړاندې اصلي ستونزې بولي.

326 total views, 1 views today

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2