Categories

اعلان

Loading…

طالبانو د سولې د خبرو لپاره نوي شرطونه کېښودل

تاند- وسله والو طالبانو د جګړې د درولو او د مخامخ خبرو د پیلولو لپاره نوي شرطونه اعلان کړل.

د طالبانو په نویو شرطونو کې په قطر کې د دې ډلې د سیاسي دفتر په رسمیت پېژندل او د ملګروملتو له تور لیسته د طالب مشرانو د نومونو ایستل شامل دي.

په قطر کې د طالبانو د دفتر د ویندوی سهیل شاهین له قوله د پاکستان دي نیوز ورځپاڼې لیکلي چې دا شرطونه له امریکا او د دغه هیواد له متحدانو سره د مخامخ خبرو لپاره ضروري دي.

شاهین دغه راز ویلي چې که سوله د مقابل لوري هدف وي، باید طالبان پرېږدي چې په قطر کې خپل سیاسي دفتر پرانیزي او د لویو مشرانو نومونه یې باید د ملګروملتو له تور لیسته وایستل شي.

د طالبانو د قطر د دفتر ویندوی دا دوې مسلې د سولې په لار کې خنډونه بللي او ویلي یې دي چې دا خنډونه په اسانه له پامه نه شي غورځول کېدای.

ده همداراز ویلي چې د مقابل لوري شعارونه او بیانونه به د افغانستان سوله نوره هم پېچلې کړي.

د افغانستان ولسمشر د هند په امرتسر کې په اسیا زړه کنفرانس کې یو وار بیا پاکستان ته د انتقاد ګوته ونیوله او له دغه هیواده یې وغوښتل چې د افغانستان د انکشاف لپاره ۵ سوه ملیون ډالره مرسته په خپله خاوره کې د تروریستانو په مخنیوي ولګوي.

تېره اوونۍ د پاکستان ایکسرپیس تریبیون ورځپاڼې راپور ورکړ، دیپلوماتیکې هلې ځلې روانې دي چې د طالبانو او د افغانستان د حکومت ترمنځ د سولې خبرې ژر پیل شي.

ایکسپریس تریبیون ویلي، د طالبانو د قطر د دفتر یوه مهم غړي دې ورځپاڼې ته په مرکه کې وویل چې طالبان په خپل منځ کې په دې خبرې کوي چې د احتمالي سیاسي خبرو د پیلولو لپاره یوه ستراتیژۍ جوړه کړي.

570 total views, 1 views today

4 comments

  1. Ahmad Gul Reply

    کله چی ژمی شي دا د غولو لپاره نوی نوم چي سوله نومیږی مخکې راشی کله چی باغونه شنه شی او د جنګ تنور نور هم تود شی او د تودی تبی خبرې د پاکستان په غولې ښه مزه کوی داسی هسې غولول دی نه سوله شته او نه به دا د جهاد په نوم جنګ ختم شې مفت رزاکار د ګټو ساتلو لپاره ډیر پیدا کیږی د افغانستان کلی او بانډې تری ډکې دې چی نه تعلیم لرې او نه په څه خبر دې

    تر کومه چې مو د امریکا جهاد په مخ بیولو دوستان وی او کله مو چې د روسیان لپاره جهاد پیل کړ دوښمنان شوی

  2. اسلم Reply

    طالبان د سولی او خبرو صلاحیت نه لری
    دا هسې خبرې دی
    او که طالبان ریښتیا د خپل واک وي او ریښتیا غواړي چې سوله راشی نو خبرې دې پیل کړي

    په سوله کې به د دوی ددوو شرطو ترڅنګ لسګونه نور شرطونه هم پوره شی
    د حزب اسلام په څېر وګورئ. سوله وشوه

    افسوس چې طالب کې نه درک شته او نه اختیار

  3. حسن Reply

    وایی که زړه وسوځي له ړندې سترګې هم اوښکې راځي.
    که ټالیب وغواړی د سولې خبرې د افغانستان له دولت سره پيل کړی ، هرچیرته د خبرو او مذاکرو زمینه مساعدي دی شی. خو افسوس له دوی سره ملی او افغانی احساس نشته، دوی نه په اسلام پوهیږی ، نه په ملی ګټو . دوی ته د پنجاب او آی اس آی منافع ، هدایتونه ، امرونه فرمایشونه مهم دی.
    و السلام علی من اتبع الهدی

  4. RAZMOHAMMED KAMAWALL; Reply

    TO TALIBS;IF YOU HONESTLY WANT PEACE,IF HONESTLY
    HAVE SENSATION ABOUT NEXT GENERATION OF THIS COUNTRY/IF YOU HAVE SENSATION FOR REBUILD OF THIS COUNTRY,
    YOU DONOT NECESSARY FOR THE RECOGNATION OF QATAR OFFICE,YOU CAN TALK IN QANDAHAR,HOUSE OF AHMADSHAH BABA&MIRWISE BABA,
    YOU CAN DIRECTLY SEND ONE GROUP FOR TALK TO KABL.
    HOW HEKMATYAAR DID?
    IF PEACE done,AFTER YOUR SOME MEMBER IN BLACK LIST/OFCOURSE AFGHAN GOV WILL APPLY FOR THAT,
    BUT IF YOU DON.T WANT OR YOU DON’T HAVE POWER OF PEACE(pakistan don,t want peace)/
    you can one by one come in to afghanistan.
    YOU(TALIBS) UNDERSTAND;YOU CANNOT WIN THIS GAME.
    BECAUSE YOU ARE NOT RIGHT.YOUR THEORY,MENTHALITY ARE EXPIRED,
    NOW IS TIME OF DEMOCRACY,HUMAN RIGHT,WOMENS RIGHT.
    IF YOU DO PEACE,YOU AND ALL AFGHANS WILL START
    SUCCESS LIFE.I WISH,
    THANKS FROM TAAND

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2