Categories

اعلان

Loading…

په نارینه وو کې اضافي ویښتان

د ډاکټرسباوون ځواب

 زما په بدن ډیر زیات ویښتی دی چې شا په تیره بیا ډډه اوسینه مې دواړه ترې زیات ډک دي ان ترستوني پورې راختلي دي او دسر د ویښتانو هومره دی چی ډیر سخت ورڅخه تنګ یم او خصوصا په اوړی کې مې سخت تنګوي یعني سوی کوي.

ځواب :

په نارینه وو کې له بلوغ وروسته د ويښتانو ریشه د جنسي هورمونونو(تسترون ) تراغیز لاندې راځي او ویښتان له نرم او نازک حالته په پنډو ویښتانو بدلیږي دغه حالت په بیلابیلو کسانو د هغوی ارثي فکټور ته په پام سره توپير کوي ځینې کسان ډیر او ځینې کم ویښتان لري د بدن په ځینو برخو لکه تخرګونو، ټټر، نس، ملا پښو او ځینو نورو برخو دویښتان شنه کیدل طبیعي دي او اضافي ویښتان نه بلل کیږي خو که تاسو ترې کرکه کوئ او یا مو نه خوښیږي په بیلابیلو لارو هغه لیرې کولاي شئ تراوسه پورې داسې کومه لاره نه ده موندل شوې چې دغه ویښتان داسې ورک کړي چې بیخي شنه نه شي که تاسو ترې کرکه کوئ کولاي شئ هغه وخریئ اویا ېې په بیلابیلو رودو ځان له شره خلاص کړئ مثلاً کریمونه او پوډر، سپرې ګانې، او لیزر شته چې کارولی ېې شئ چې نن سبا په ډیرو هیوادونو کې نارینه هم له دغو رودو استفاده کوي البته تراوسه پورې ددې ستونزې قطعې معالجه نه ده شوې خو دغه خبره هم باید وکړو چې دا یوه ناروغي هم نه ده چې علاج ېې وشي بلکه پربدن د اضافي ویښتانوستونزه تر نارینه وو ډیر میرمنې کړوي او هغوي ځوریږي خو که شتمن یاست ددې ستونزې دخلاصي یوازیني لاره لیزر دی البته ډیره ګرانه روده هم ده .

د دې ستونزې دعلت په هکله باید ووایو چې دویښتانوپیاز دتستوسترون   په نامه دیوه هورمون په وسیله تحریکیږي دغه ډول هورمونونو ته اندروجن یا مردانه هورمون وايي چې په نارینه ووکې ېې سویه لوړه وي خو په ښځو کې هم په طبیعي توګه په کمه سویه موجو د وي خو ځینې وخت په بیلابیلو علتونو دغه سویه په میرمنو کې هم لوړیږي اوپه دې ډول ددې سبب کیږي چې دویښتانو پياز تحریک او ویښتان په مخ کې له حده زیاته وده وکړي .

لکه چې وویل شول دغه هورمونونه په نارینه وو کې په بیضو کې تولیدیږي خو له دې چې میرمنې دغه اله نه لري نو دغه هورمون په میرمنو کې   په تخمدانونو ، دپښتورګو په سر په دوغدو ،او په مازغو کې دهیپوفیزپه نامه په یوې غدې کې تولیدیږي دمثال په توګه کله چې په تخمدان کې یو کیست پيدا شي دغه میرمنې ښايي د هورمونو دزیاتیدا له امله په مخ کې اضافي ویښتان پيدا کړي نو غوره ده په دغو میرمنو کې داضافي ویښتانو دپيدا کیدا اصلي علت پیدا شي .

ددې لپاره چې نورعلتونه رد شي غوره ده یو ځل ډاکټر ته ورشئ که کومه بله ستونزه نه لرئ له دې ستونزې سره جوړ شئ دمخ د‌ډکیدا په هکله هم تراوسه کومه خاصه روده نه ده وړاندیز شوې البته سمه تغذیه او دډیرو اوبوڅښل له تاسو سره مرسته زه تردې زیات په دې اړه دویلو لپاره کوم شی نه لرم .

په دې هکله مخکې هم خبرې شوي د اضافي ويښتانو ترسرلیک لاندې ېې لوستلی شئ .

په درناوي

ډاکټر سباوون

353 total views, 1 views today

1 comment

  1. خسرت جان Reply

    سلام ورور جانه

    ګرانه په ډيرى بخنى سره وايم
    چى د ښځو د مخ ويښتان که چيرى ډير قوى وى پوډرو سپرى يا داسى نورو شيانو سره لرى نه شى بايد سه وکړى

Leave a Reply

Your email address will not be published. Required fields are marked *