Categories

اعلان

Loading…

افغان ځواکونو ته د روسي په ځای د امریکايي څرخکو پر ورکولو د روسیې غبرګون

تاند- د افغانستان لپاره د روسیې خاص استازي زامیر کابلوف افغان هوايي ځواک ته د روسي څرخکو پر ځای د امریکايي بلک هاک هیلي کوپترو ورکول ګران کار وباله، ویې ویل چې دا ډېر وخت ته اړتیا لري.

کابلوف وویل چې مسکو د امریکا پر دې پلان شک لري ځکه چې یوازې د بلک هاک الوتکو د پېلوټانو د روزنې لپاره ۴ کاله وخت ته اړتیا ده.

د سپوتینک نیوز د راپور له مخې، کابلوف وویل«ایا افغانستان ۴ کاله نور صبر کولی شي، زه فکر کوم کافي وخت نشته.»

روسیه خاصه لېوالتیا لري چې امریکا د افغان هوايی ځواک لپاره روسي هیلي کوپترونه وپېري خو د امریکا د کانګریس غړي وايي چې د امریکايي مالیه ورکوونکو پیسې باید روسانو ته ورنه کړای شي.

د روسي هیلي کوپترو له رانیولو سره د امریکا د کانګریس له مخالفت وروسته د امریکا دفاع وزارت وپتېیله چې افغان ځواکونو ته امریکايي څرخکې ورکړي.

د امریکا دفاع وزارت اوس د افغان هوايي ځواک لپاره د ۵۳ (UH-60 Blackhawk) څرخکو قراراد لاسلیک کړی دی.

د امریکا دفاع وزارت د دغو الوتکو او یو شمېر نورو لپاره ۸۱۴ ملیون ډالره ځانګړي کړي دي.

له دې سره به په ۲۰۱۷ م کال کې د افغان امنیتي او دفاعي ځواکونو بودجه ۴ ملیارده او ۲ سوه ملیون ډالرو ته ورسېږي.

په دې پیسو د افغانستان د هوايي ځواک لپاره ۵ (AC-208) الوتکې او دغه راز ۳۰ (MD-530) جنګي څرخکې هم اخیستل کېږي.

14 total views, 4 views today

Leave a Reply

Your email address will not be published. Required fields are marked *