Categories

اعلان

Loading…

د دار پر پړي/ محمد ابراهیم سپېڅلی

ما مه کشوی، زه په خپله درسره ځم !

هرچیري، چي تاسي ما بیایاست زه درسره روان یم

زه نه ځغلم او نه هم نارې وهم

د خپل رب العالمین رضاء ته مي غاړه ایښي، چي هرڅه راسره کوي، زه يې منم

زما خدای ټول ژوندي ساکښان د مرګ لپاره پیداکړي دي، نو بیا زه ولي له مرګه وبیریږم؟

که مي نن وخت پوره سوی دی، هیڅوک مي نه سی راګرځولای او که چیري مي ژوند پاته و، نو تاسي مي هم نه سی وژلای .

ما له مشرانو اوریدلي او په کتابونو کي مي  لوستي دي، پردې پاکه خاوره زیاتي ککرۍ خاوري سوي دي

دلته زیاتي بې ګناه ځوانۍ د پسرلي د ګلانو په شان رژېدلي دي

دلته  د ډیرو پاکو شهیدانو ویني لکه د لاله ګل له خاورو سره خاوری سوي دي

زما ترعمر زیات وخت کیږي، چي زموږ په غاړه کي پردۍ وسلې او پردۍ دښمنۍ رااچول سوي دي، خو زه، ته او هغه بل افغان وروريې قرباني یو.

داد ژرندي وار دی، نن پرما سبا پر تاسي دی

زموږ پرمېنه بل چا د خپلو ګټو لپاره اور بل کړی دی او په دې اور کي هرهغه څوک ژر لولپه کیږي، چي د سبا فکر لري

ځکه دلته د سبا فکر ګناه ده

دلته د ښې راتلونکي لپاره کار، ځان خوړل دي

دلته زده کړه جرم، حق ویل جرم او ویښ افغانان لوی مجرمان دي

خو داحالت داسي نه پاته کیږي

داحالت خامخا مثبت بدلون کوي

دا توره تیاره خامخا روڼ سهار لري

شپه، چي هرڅومره تیاره وي، نو سهار يې هغومره روښانه دی

په کومه ویاله کي، چي اوبه بهیدلي وي، بیابه هم بهیږي

که زه یم او کنه یم، خو یوه ورځ به خامخا پردې خلکو د سهار لمر راخیژي

بیابه دلته د تیارو زامن د لمر له رڼا تښتي او په تورو غارو به ننوزي

داخلک به پرخپل ټاټوبي د خوشحالۍ سا اخلي

او دلته به …

له دې سره يې خبره په ستوني کي وچه سوه

یو ږغ خاموش سو، یوه ځواني ړنګه سوه اود هیواد یوه راتلونکې د دار پر پړي ونڅیده

د یخ ټوله شپه یوځوان د دار پر سر تیره کړه

سهار وختي خلکو ځوان ولیدی، چي د کلي په منځ کي په دار ځړیږي

خلک(ځوانان، هلکان، سپين ږیري او کوچني ماشومان) ورته راټول سول

خو هیڅ چا ږغ ونه کړ، چي دا ولي ؟

د لمر له تودیدو سره راټول سوي خلک یو یو خپلو کورونو ته ستانه سول

د ځوان لمن همداسي باد رپول

هلته پر لیري بام یوې پېغلي راځړول سوي ځوان ته په سرو سترګو کتل او د بې وسۍ اوښکي يې لکه مرغلري په لمن کي تويیدلې .

۰۳ – ۱۲ – ۲۰۱۶

کندهارښار، چوڼۍ

یادونه: دغه کالم د (سرخط ورځپاڼي) په ۳۸۸ یمه ګڼه کي هم خپور سوی دی

351 total views, 1 views today

1 comment

  1. AAqil Afghan Reply

    افغان وژنه د الحادی ستالینی ژوو په خبیثو لاسونو چه له ۱۳۵۷ نه شروع او ترویج شوه بیا تنظیمونو د آی-اس- آی سره په ګډه دی وژنی ته تر ننه دوام ورکړ ، بیا بله افغان وژنه د بن د سفیهانه او دنی تړون نه بیا تجدید شوه چه دا وار پدی قتل عام کی د جهادی تنظیمونو خبیثه بقایاوی (، د مجاهدینو او پتمنو او غیرتی افغانانو چه معامله ګر نه وو او اسلامی او افغانی لوړ همت یی چا ته سر نه ټیټوو )، په وړاندی د منطقوی او نړیوالو شراچوونکو تر قومندی او حمایت لاندی د خلکو او وطن د تباهی دسیسه یی پلی کړه چه نن هم اثرات یی پر ملت مشهود دی.
    خوزموږ خپل ټول خلک روزنی ،پالنی، ښه ژوند،یووالی ، پرمختګ ، قوت او عزت خاوندان کیدلو حق لری چه دا کار تر ډیره امرا او علما پوری اړه لری چه باید ترسره شی او دا وژل ،تباهی او د دښمنانو ښکار کیدل باید ختم شی ځکه چه زموږ انسانیت او اسلامیت تر سوال لاندی راولی.او اداره مو ضعیفه او حتی له مینځه وړی او هر ضعیف دښمن حملو ته هڅوی ، نو پکار ده چه د انسانی متمدنو ټولنو سره سیالی ته ځان تیار کړو او ددی تیارو کندو نه د انسانیت لوړو څوکو ته پرواز وکړو ، جنګ خو تباهی او جهالت زیاتوی افغان وژنه کمال نه بلکه ورور وژنه ده هغه هم د جاهل ورور په لاس او د مغرض ، بی دینه او جاهل ګاونډی حکامو تر شومو اهدافو لاندی!!! چه ډیره شرموونکی ده او د اسلامی او افغانی عزت سره هیڅکله هم نه جوړیږی

Leave a Reply to AAqil Afghan Cancel reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2